Hey Balvanth First Week Collections Worldwide: ఈ ఫిబ్రవరి నెలలో విడుదలైన సినిమాల్లో ప్రేక్షకుల నుండి పాజిటివ్ టాక్ ని సొంతం చేసుకున్న చిత్రాల్లో ఒకటి ‘హే బల్వంత్'(Hey Balvanth). సుహాస్(Actor Suhas) హీరో గా నటించిన ఈ సినిమా డీసెంట్ స్థాయి అంచనాల నడుమ విడుదలై మంచి టాక్ ని తెచ్చుకున్నప్పటికీ కూడా, ఎందుకో ఓపెనింగ్స్ నుండే ఈ చిత్రం బాగా వెనకబడింది. కనీసం వీకెండ్ లో అయినా పుజుకుంటుందేమో అని ఆశిస్తే , అది కూడా జరగలేదు. చాలా యావరేజ్ బాక్స్ ఆఫీస్ రన్ ని సొంతం చేసుకుంది ఈ చిత్రం. 7 కోట్ల రూపాయిల బ్రేక్ ఈవెన్ టార్గెట్ తో బరిలోకి దిగిన ఈ సినిమా , వారం రోజులు పూర్తి చేసుకోగా, ప్రాంతాల వారీగా ఎంత వసూళ్లను రాబట్టిందో ఒకసారి వివరంగా ఇప్పుడు మనం చూడబోతున్నాం. ట్రేడ్ విశ్లేషకులు అందిస్తున్న సమాచారం ప్రకారం చూస్తే , ఈ చిత్రానికి 7వ రోజున ప్రపంచవ్యాప్తంగా 20 లక్షల రూపాయిల షేర్ వసూళ్లు వచ్చాయట.
Also Read: ‘స్పిరిట్’ నుండి వివేక్ ఒబెరాయ్ ఫస్ట్ లుక్ వచ్చేసింది..ఇదేమి మాస్ బాబోయ్!
నైజాం ప్రాంతం లో ఈ చిత్రానికి మొదటి వారం 1 కోటి 32 లక్షల రూపాయిల షేర్ వసూళ్లు రాగా , ఆంధ్ర ప్రదేశ్ + సీడెడ్ ప్రాంతం నుండి 1 కోటి 37 లక్షల రూపాయిల షేర్ వసూళ్లు వచ్చినట్టు తెలుస్తోంది. ఓవరాల్ గా ఈ చిత్రానికి మొదటి వారం లో తెలుగు రాష్ట్ర నుండి 2 కోట్ల 69 లక్షల రూపాయిల షేర్ వసూళ్లు వచ్చాయి. ఆ చిత్రానికి వచ్చిన టాక్ కి ఇది చాలా తక్కువ అనే చెప్పాలి. అదే విధంగా కర్ణాటక + రెస్ట్ ఆఫ్ ఇండియా + ఓవర్సీస్ ప్రాంతాలకు కలిపి ఈ చిత్రానికి 1 కోటి 30 లక్షల రూపాయిల షేర్ వసూళ్లు వచ్చాయని. ఓవరాల్ గా ఈ చిత్రానికి ప్రపంచవ్యాప్తంగా 4 కోట్ల రూపాయలకు పైగా షేర్ వసూళ్లను రాబట్టింది.
గ్రాస్ వసూళ్లు 8 కోట్ల రూపాయలకు పైగా ఉండొచ్చు. అయితే ఈ సినిమా బ్రేక్ ఈవెన్ మార్కుని అందుకోవాలంటే కచ్చితంగా మరో మూడు కోట్ల రూపాయల షేర్ వసూళ్లను రాబట్టాల్సి ఉంటుంది. అది దాదాపుగా అసాధ్యం అనే చెప్పాలి.
ఈ వీకెండ్ లో మహా అయితే మరో కోటి రూపాయిల షేర్ వసూళ్లు మాత్రమే ఈ చిత్రానికి వచ్చే అవకాశం ఉంది. అది కూడా అనుమానమే అని అంటున్నారు. సుహాస్ కి మొదటి నుండి ఆడియన్స్ లో మంచి క్రేజ్ ఉంది. ఆయన గత చిత్రాలన్నీ సూపర్ హిట్స్ గా నిలిచాయి. కాబట్టి ఈ చిత్రానికి మంచి టాక్ రావడం తో వీకెండ్ కే బ్రేక్ ఈవెన్ అవుతుందని అనుకున్నారు. కట్ చేస్తే క్లోజింగ్ కి కూడా ఆ మార్కును అందుకోవడం కష్టమైపోయింది.
