Pawan Kalyan Fans : పవన్ కళ్యాణ్ ఫ్యాన్స్ దెబ్బకి వణికిపోతున్న డైరెక్టర్ హరీష్ శంకర్

Director Harish Shankar : టాలీవుడ్ లో కల్ట్ ఫ్యాన్ ఫాలోయింగ్ కి పర్యాయపదం లాంటి వాడు పవర్ స్టార్ పవన్ కళ్యాణ్..అభిమానులు ఆయనని ఒక ఆరాధ్య దైవం లాగ కొలుస్తారు..తమ అభిమాన హీరో ని అభిమానించే వారికి ప్రాణాలను సైతం లెక్క చెయ్యకుండా ఇవ్వడానికి సిద్ధపడుతారు..అదే సమయం లో తమ అభిమాన హీరో మీద ఈగ వాలిన కూడా అల్లకల్లోలం సృష్టించేస్తారు..అందుకే పవన్ కళ్యాణ్ ఫ్యాన్స్ తో కాస్త జాగ్రత్తగా ఉండాలి అని అందరూ అంటూ ఉంటారు..ఇప్పుడు హరీష్ శంకర్ కి కూడా అలాంటి పరిస్థితే ఎదురైంది.

పవన్ కళ్యాణ్ ఫ్యాన్స్ కి జీవితాంతం పండగ చేసుకునే రేంజ్ లో ‘గబ్బర్ సింగ్’ సినిమాని తెరకెక్కించి ఇచ్చిన డైరెక్టర్ ఆయన..గబ్బర్ సింగ్ సినిమా నుండి హరీష్ శంకర్ పై పవన్ ఫ్యాన్స్ చూపిస్తున్న ప్రేమ ఎనలేనిది..మళ్ళీ వీళ్లిద్దరి కాంబినేషన్ లో సినిమా కోసం ఫ్యాన్స్ ఎప్పటి నుండో కళ్ళు కాయలు కాచేలా ఎదురు చూసారు..వారి ఎదురు చూపులకు తెరదించుతూ ‘భవదీయుడు భగత్ సింగ్’ అనే సినిమాతో మీ ముందుకి మా కాంబినేషన్ మళ్ళీ రాబోతుంది అంటూ మూడేళ్ళ క్రితం ప్రకటించారు.

ప్రకటన అయితే వచ్చింది కానీ..ప్రాజెక్ట్ పట్టాలు ఎక్కలేదు..అసలు ఈ చిత్రం ఉంటుందా లేదా అని అభిమానులు కంగారు పడుతున్న సమయం లో వచ్చే వారం లోనే ఈ ప్రాజెక్ట్ కి సంబంధించిన పూజా కార్యక్రమాలు ప్రారంభించబోతున్నాము అని హరీష్ శంకర్ ఈరోజు ప్రకటించాడు..ఎప్పుడైతే ఆయన ట్వీట్ వేశాడో అప్పటి నుండి ఈ ప్రాజెక్ట్ గురించి అసలు విషయం బయటపడింది..వీళ్లిద్దరి కాంబినేషన్ లో ప్రస్తుతం వస్తుంది ‘భవదీయుడు భగత్ సింగ్’ కాదని..తమిళం లో సూపర్ హిట్ గా నిలిచిన విజయ్ ‘తేరి’ సినిమాకి రీమేక్ అని ఒక వార్త రావడం తో అభిమానులు ఉగ్ర రూపం దాల్చేసారు.

6 ఏళ్ళ క్రితం తెలుగు మరియు తమిళం బాషలలో గ్రాండ్ విడుదలై , సూపర్ హిట్ గా నిలిచి, ఆ తర్వాత టీవీ లో ప్రతి వారం టెలికాస్ట్ చేస్తూనే ఉన్న సినిమాని రీమేక్ చేస్తే మేము సహించబోము..వెంటనే ఈ ప్రాజెక్ట్ ని క్యాన్సిల్ చెయ్యండి అంటూ పవన్ కళ్యాణ్ ఫ్యాన్స్ ట్విట్టర్ లో పెద్ద ఎత్తున వ్యతిరేకతని చూపారు..గంట వ్యవధిలోనే రెండు లక్షల ట్వీట్స్ వేసి, అసలు ఈ ప్రాజెక్ట్ గురించి అధికారిక ప్రకటన చెయ్యడానికే భయపడిపోయారు మూవీ టీం..మరి రేపైనా ఈ ప్రాజెక్ట్ గురించి ఒక క్లారిటీ ఇస్తారో లేదో చూడాలి.