Gabbar Singh Re Release: ఇప్పటి జనరేషన్ పవన్ కళ్యాణ్ అభిమానులకు ‘ఓజీ’ అనే పేరు ఎత్తితే ఎలా పూనకాలు వస్తాయో, సీనియర్ పవన్ కళ్యాణ్ ఫ్యాన్స్ కి ‘గబ్బర్ సింగ్’ పేరు ఎత్తితే అలాంటి పూనకాలు వస్తాయి. పులి , తీన్ మార్ , పంజా వంటి వరుస హ్యాట్రిక్ డిజాస్టర్ ఫ్లాప్స్ తర్వాత పవన్ కళ్యాణ్ మార్కెట్ బాగా డౌన్ అయ్యింది. అభిమానులు తమ అభిమాన హీరో మళ్లీ కం బ్యాక్ ఇస్తాడనే ఆశలు కోల్పోయారు. సరిగ్గా అలాంటి సమయం లో విడుదలైన ‘గబ్బర్ సింగ్’ చిత్రం వాళ్లకు ఒక అద్బుతమమైన జ్ఞాపకాలను ఇచ్చింది. మొదటి రోజు నుండి క్లోజింగ్ వరకు టాలీవుడ్ లో ఉన్నటువంటి రికార్డ్స్ అన్నిటిని బద్దలు కొట్టి, ఆల్ టైం ఇండస్ట్రీ హిట్ గా నిల్చింది. ఈ సినిమా వసూళ్లను బాహుబలి వచ్చేంత వరకు , ఒక్క స్టార్ హీరో కూడా ముట్టుకోలేకపోయారు.
దీన్ని బట్టీ అర్థం చేసుకోవచ్చు, ఏ రేంజ్ బ్లాక్ బస్టర్ అనేది. ఈ చిత్రాన్ని పవన్ కళ్యాణ్ అభిమానులు అనేక సందర్భాల్లో స్పెషల్ షోస్ గా వేసుకొని ఒక రేంజ్ లో ఎంజాయ్ చేశారు. 2024 లో , ఉప ముఖ్యమంత్రిగా బాధ్యతలు స్వీకరించిన తర్వాత , ఈ చిత్రాన్ని మరోసారి పవన్ పుట్టిన రోజు సందర్భంగా ప్రపంచవ్యాప్తంగా గ్రాండ్ రీ రిలీజ్ చేశారు. మొదటి రిలీజ్ లో ఎలాంటి సెన్సేషన్ సృష్టించిందో , రీ రిలీజ్ లో కూడా ఈ చిత్రం అలాంటి సెన్సేషన్ సృష్టించింది. మొదటి రోజే ఏకంగా 8 కోట్ల రూపాయలకు పైగా గ్రాస్ వసూళ్లను రాబట్టి సెన్సేషన్ సృష్టించింది ఈ చిత్రం. ఇప్పటి వరకు ఈ రికార్డు ని మన టాలీవుడ్ లో ఒక్క హీరో కూడా ముట్టుకోలేకపోయారంటే , పవన్ కళ్యాణ్ ఫ్యాన్స్ పవర్ ఎలాంటిదో అర్థం చేసుకోవచ్చు.
అయితే ఈ చిత్రాన్ని ఈ నెల 26 న మరోసారి గ్రాండ్ గా రీ రిలీజ్ చేయబోతున్నట్టు , ఆ చిత్ర నిర్మాత బండ్ల గణేష్ కాసేపటి క్రితమే ట్విట్టర్ లో అధికారిక ప్రకటన చేసాడు. విడుదల సమయం లో ఎడిటింగ్ లో తొలగించబడ్డ కొన్ని సన్నివేశాలను జత చేసి మరీ ఈ చిత్రాన్ని రిలీజ్ చేస్తున్నారట. మరి ఆడియన్స్ ఈ సినిమాని ఎలా రిసీవ్ చేసుకుంటారో చూడాలి. అయితే ఈ సినిమాకు న్యూట్రల్ ఆడియన్స్ లో క్రేజ్ తక్కువే, 2024 లో కూడా కేవలం పవన్ కళ్యాణ్ ఫ్యాన్స్ పవర్ వల్ల ఆ రేంజ్ హిట్ అయ్యింది. ఇప్పుడు పవన్ కళ్యాణ్ ఫ్యాన్స్ మొత్తం పంజా రీ రిలీజ్ కోసం ఎదురు చూస్తున్నారు , ఇలాంటి సమయం లో గబ్బర్ సింగ్ రీ రిలీజ్ ని ఎంత వరకు ఆదరిస్తారో చూడాలి.
