Naga Chaitanya Samantha: టాలీవుడ్ క్యూట్ కపుల్ గా పేరు తెచ్చుకున్న నాగచైతన్య- సమంతలు సినిమాల్లో నటించి ప్రేమించి పెళ్లి చేసుకున్నారు. ఆ తరువాత మనస్పర్థలు వచ్చి ఎవరికి వారు విడిగా ఉంటున్నారు. ఈ తరుణంలో వీరు దూరం అయినప్పటి నుంచి సోషల్ మీడియాలో విపరీతమైన ట్రోలింగ్స్ హల్ చల్ చేశాయి. అక్కినేని ఫ్యామిలీతోనే సమంత నాగచైతన్యకు దూరమైందని కొందరు వాదించగా.. సమంతనే ప్రైవసీ కోసం చైతూకు దూరంగా ఉంటుందని మరి కొందరు అన్నారు. అయితే ఇన్నాళ్లు ఎవరెన్ని ట్రోలింగ్స్ చేసినా అక్కినేని ఫ్యామిలీ స్పందించలేదు. కానీ ఇటీవల బిగ్ బాస్ సీజన్ 7 సందర్భంగా అక్కినేని నాగార్జున సమంత పేరును ప్రస్తావించాడు. సమంతను తమ కుటుంబం మీట్ అవబోతున్నట్లు ప్రకటించారు.
సమంత ప్రస్తుతం ఫారిన్ లో ఉన్నట్లు సమాచారం. ఆమె విజయ్ దేవరకొండతో నటించిన ‘ఖుషి’ మూవీ సెప్టెంబర్ 1న థియేటర్లోకి వచ్చింది. మూడు రోజుల పాటు సినిమాకు మంచి రెస్పాన్స్ వచ్చింది. అటు విజయ్ దేవరకొండకు చాలా రోజుల తరువాత మంచి హిట్ దక్కిందని ఫ్యాన్స్ సంబరాలు చేసుకుంటున్నారు. ఈ తరుణంలో బిగ్ బాస్ సీజన్ 7 సందర్భంగా అక్కినేని నాగార్జున సమంత గురించి మాట్లాడారు. ఆమె సినిమా గురించి చెప్పాడు. ఆమెను కలుస్తామని అన్నాడు.
అయితే అందరూ అనుకున్నట్లు సమంతను నేరుగా కలవడం కాదు. సమంత నటించిన ‘ఖుషి’ సినిమా చూసేందుకు ఫ్యామిలీ మొత్తం కలిసి థియేటర్లోకి వెళ్తున్నట్లు ప్రకటించారు. గతంలో నాగచైతన్య నటించిన సినిమాలపై సమంత పరోక్షంగా తన సోషల్ మీడియా ద్వారా కామెంట్ చేసింది. ఆయన నటించిన ‘లవ్ స్టోరీ’ పై ఆసక్తికరంగా పోస్టు పెట్టింది. అయితే సమంత గురించి మాత్రం చైతూ పట్టించుకోవడం లేదు. కానీ నాగార్జున మాత్రం ఇలా ‘ఖుషీ’ సినిమా కోసం తమ ఫ్యామిలీ వెళ్తుందని ప్రకటించడం ఆసక్తిగా మారింది.
నాగచైతన్య-సమంతలు విడిపోయినా వారి మధ్య ప్రెండ్షిప్ బాండ్ అలాగే ఉంటుందని నాగ్ పరోక్షంగా వ్యాఖ్యలు చేశారు. ఈ నేపథ్యంలో సమంతపై తమకు అభిమానం ఉందన్నట్లు వ్యాఖ్యలు చేశారు. ఇందులో భాగంగానే ఖుషి సినిమా చూసేందుకు వెళ్తామని అన్నారు. అయితే నాగచైతన్యకు మాత్రం ఇలా వెళ్లడం ఇష్టం లేదని కొందరు ఫ్యాన్స్ సోషల్ మీడియాలో పోస్టులు పెడుతున్నారు. తండ్రి మాటను తీసేయలేక ఒప్పుకున్నట్లు చెబుతున్నారు.
