Chalo Premidham: సురేష్ శేఖర్ రేపల్లే దర్శకత్వంలో సాయి రోనక్, నేహ సోలంకి హీరో హీరోయిన్లుగా నటిస్తున్న చిత్రం ‘ఛలో ప్రేమిద్దాం’. ఈ సినిమాకు నిర్మాతగా ఉదయ్ కిరణ్ వ్యవహరిస్తున్నారు. ఇటీవల ఈ చిత్రం ఫస్ట్ లుక్ అండ్ మోషన్ పోస్టర్ ను విడుదల చేశారు. అలానే ఈ సినిమాకు భీమ్స్ సిసిరోలియో సంగీతాన్ని సమకూర్చారు. అయితే ఇప్పుడు తాజాగా ఈ చిత్రంలోని ఫస్ట్ సింగిల్ ను తాజాగా నటుడు జగపతి బాబు విడుదల చేశారు. ఈ చిత్రంలో నటించిన వారికి తన శుభాకాంక్షలు తెలియజేశారు. పాట చాలా బాగుందని… సినిమా కూడా అదే లెవెల్లో ప్రేక్షకులను అలరించాలని కోరుకున్నారు.
‘ఎమ్బిఏ, ఎమ్సిఏలు చదవలేకపోతివి` అంటూ సాగే ఈ కాలేజ్ సాంగ్ కు దేవ్ పవార్ లిరిక్స్ అందించగా… వెంకట్ దీప్ కొరియోగ్రఫీ చేశారు. ఇటీవల ఈ చిత్రం ఫస్ట్ లుక్ అండ్ మోషన్ పోస్టర్ ను విడుదల చేయగా వాటికి కూడా ఆడియన్స్ నుంచి మంచి స్పందన లభించింది. ఆ సంధర్భంగా మూవీ టీమ్ మీడియా సమావేశం ఏర్పాటు చేశారు. ఇవాళ విడుదలైన కాలేజ్ సాంగ్ యూత్ తో పాటు ప్రతి ఒక్కకరికీ కనెక్టయ్యే విధంగా ఉంటుంది అని దర్శకుడు సురేశ్ శేఖర్ తెలిపారు. ఆదిత్య మ్యూజిక్ ద్వారా మార్కెట్ లోకి విడుదలైన మా సాంగ్ అందరికీ నచ్చుతుందన్న నమ్మకం ఉందని ఆశాభావం వ్యక్తం చేశారు. వరుసగా ఒక్కో సింగిల్ రిలీజ్ చేయడానికి ప్లాన్ చేశాం. అతి త్వరలో సినిమా విడుదల తేదీ ప్రకటిస్తాం అని వెల్లడించారు. జగపతిబాబు తొలి గీతాన్ని విడుదల చేయడం ఆనందంగా ఉందని హీరో సాయి రోనక్ తెలిపారు.
