Dude 2 Sequel Update: ‘లవ్ టుడే’ , ‘డ్రాగన్’ వంటి భారీ బ్లాక్ బస్టర్ హిట్ సినిమాల తర్వాత, ప్రదీప్ రంగనాథన్ చేసిన చిత్రం ‘డ్యూడ్’. భారీ అంచనాల నడుమ విడుదలైన ఈ సినిమాకు మొదట్లో నెగెటివ్ టాక్ వచ్చింది , కానీ కలెక్షన్స్ పరంగా మాత్రం దుమ్ము లేపేసింది. దాదాపుగా 124 కోట్ల రూపాయిల గ్రాస్ వసూళ్లను రాబట్టి సంచలనం సృష్టించింది ఈ చిత్రం. థియేటర్స్ లో ఈ సినిమాకు డివైడ్ టాక్ వచ్చి ఉండొచ్చు కానీ , ఓటీటీ లో విడుదలయ్యాక మాత్రం బ్లాక్ బస్టర్ రెస్పాన్స్ వచ్చింది అనడం లో ఎలాంటి సందేహం లేదు. ముఖ్యంగా యూత్ ఆడియన్స్ ఈ సినిమాకు బాగా కనెక్ట్ అయ్యారు. ఈ సినిమా విడుదలై ఏడాది కావొస్తుంది , కానీ ఇప్పటికీ ఈ చిత్రం మేనియా నుండి ఆడియన్స్ బయటకు రాలేదు. సోషల్ మీడియాలో ఈ చిత్రానికి సంబంధించిన సన్నివేశాలను రీల్స్ గా , మీమ్స్ గా వాడుతూనే ఉన్నారు.
ఇది ఇలా ఉండగా ఈ సినిమాకు దర్శకత్వం వహించిన కీర్తి స్వరణ్ రీసెంట్ గా ఒక ఇంటర్వ్యూ లో చేసిన కామెంట్స్ ఇప్పుడు సోషల్ మీడియా లో బాగా వైరల్ అయ్యాయి. ఆయన మాట్లాడుతూ ‘డ్యూడ్ చిత్రానికి సీక్వెల్ చేయదగ్గ కథ నా దగ్గర ఉంది. వర్కౌట్ అయితే , పూర్తి స్థాయి బౌండెడ్ స్క్రిప్ట్ ని రెడీ చేస్తాను , కచ్చితంగా ఈ చిత్రానికి సీక్వెల్ కార్యరూపం దాలుస్తుంది అనే నమ్మకం నాకు బలంగా ఉంది’ అంటూ చెప్పుకొచ్చాడు. అయితే మొదటి భాగం లో తానూ ఎంతగానో ప్రేమించిన అమ్మాయిని , స్వయంగా దగ్గరుండి పెళ్లి చేసి పంపిస్తాడు హీరో. అదే విధంగా హీరోయిన్ కూడా హీరో కి ఒక మంచి సంబంధం చూసి పెళ్లి చేస్తుంది. కథ సుఖాంతం , ఇక ఏముంది అని మీరు అనుకోవచ్చు.
పెళ్లి చేసుకున్న ఈ ఇద్దరి కాపురాల్లో చిచ్చు చెలరేగి విడిపోయి, మళ్లీ హీరో హీరోయిన్ కలిస్తే?, అలాంటి లైన్ మీద ఈ చిత్రాన్ని తెరకెక్కిస్తున్నారా?, ఇలాంటి స్టోరీ లైన్ మీద సినిమా తీస్తే వర్కౌట్ అవుతుందా అనేది చూడాలి. ఒకవేళ ఇలా కొనసాగింపుగా కాకుండా, వేరే కథ తో ఈ సీక్వెల్ ని ప్లాన్ చేస్తున్నారా అనేది కూడా తెలియాల్సి ఉంది. చూడాలి మరి ఏమి జరగబోతుంది అనేది. వరుస సూపర్ హిట్స్ తో దూసుకుపోతున్న ప్రదీప్ రంగనాథన్ కి రీసెంట్ గానే ‘LIK ‘ తో బ్రేక్ పడింది. ఇప్పుడు ఆయనకు సూపర్ హిట్ కచ్చితంగా అవసరం. కాబట్టి ఆయన తదుపరి చిత్రం ఏమిటి అనేది ప్రస్తుతానికి సస్పెన్స్ గా మారింది.
