Couple Friendly two weeks Collections: ఈ వాలెంటైన్స్ డే సందర్భంగా ప్రేక్షకుల ముందుకొచ్చిన సినిమాల్లో పాజిటివ్ టాక్ ని సొంతం చేసుకున్న చిత్రం ‘కపుల్ ఫ్రెండ్లీ'(Couple Friendly). సంతోష్ శోభన్(Santosh Sobhan), మానస వారణాసి(Manasa Varanasi) హీరో హీరోయిన్లు గా నటించిన ఈ సినిమా విజయవంతంగా రెండు వారాల థియేట్రికల్ రన్ ని పూర్తి చేసుకుంది. ఈ రన్ కి ప్రభాస్ తో మూవీ టీం చేసిన ఇంటర్వ్యూ చాలా కలిసొచ్చింది. రెండవ వీకెండ్ లో భారీ వసూళ్లను నమోదు చేసింది ఈ చిత్రం. కోటి రూపాయిల బడ్జెట్ తో నిర్మించిన ఈ చిత్రం , 6.5 కోట్ల రూపాయిల ప్రీ రిలీజ్ థియేట్రికల్ బిజినెస్ ని జరుపుకుంది. మరి ఈ రెండు వారాల్లో ప్రాంతాల వారీగా ఈ చిత్రం ఎంత వసూళ్లను రాబట్టింది?, బ్రేక్ ఈవెన్ మార్కుని అందుకుందా లేదా అనేది ఇప్పుడు చూద్దాం.
ప్రాంతాల వారీగా వచ్చిన వసూళ్లను ఒకసారి పరిశీలిస్తే , నైజాం ప్రాంతం నుండి 2 కోట్ల 35 లక్షల రూపాయిల షేర్ వసూళ్లను రాబట్టిన ఈ చిత్రం , ఆంధ్రా + సీడెడ్ నుండి 2.65 కోట్ల రూపాయిల షేర్ వసూళ్లను రాబట్టింది. ఓవరాల్ గా తెలుగు రాష్ట్రాల నుండి 5 కోట్ల రూపాయిల షేర్ వసూళ్లు వచ్చాయి. తెలుగు రాష్ట్రాల్లో మంచి వసూళ్లను రాబట్టిన ఈ చిత్రానికి, ఎందుకో ఓవర్సీస్ నుండి మాత్రం చాలా తక్కువ వసూళ్లు మాత్రమే నమోదు అయ్యాయి. సాధారణంగా ఇలాంటి సినిమాలు మన దగ్గర కంటే ఓవర్సీస్ లోనే ఎక్కువ వసూళ్లను రాబడుతూ ఉంటాయి. అలాంటిది ఈ చిత్రానికి ఓవర్సీస్ మార్కెట్ నుండి భారీ వసూళ్లు నమోదు కాకపోవడం అనేది నిజంగా పెద్ద షాక్ అనే చెప్పాలి. ట్రేడ్ పండితులు అందిస్తున్న లెక్కల ప్రకారం చూస్తే , ఈ చిత్రానికి కర్ణాటక + రెస్ట్ ఆఫ్ ఇండియా + ఓవర్సీస్ కలిపి 1.03 కోట్ల రూపాయిల షేర్ వసూళ్లను రాబట్టింది.
Also Read: విరాట్ కోహ్లీ రికార్డుని బద్దలు కొట్టిన రష్మిక.. ఇదేమి క్రేజ్ బాబోయ్!
ఓవరాల్ గా ఈ చిత్రానికి ప్రపంచవ్యాప్తంగా 6.02 కోట్ల రూపాయిల షేర్ వసూళ్లు , 12.70 కోట్ల రూపాయిల గ్రాస్ వసూళ్లు వచ్చాయి . బ్రేక్ ఈవెన్ మార్కుని అందుకోవాలంటే ఇంకా ఈ చిత్రం మరో 48 లక్షల రూపాయిల షేర్ వసూళ్లను రాబట్టాలి. ట్రేడ్ పండితులు అందిస్తున్న లెక్కల ప్రకారం చూస్తే , ఈ సినిమాకు గత రెండు రోజులకు కలిపి 20 లక్షల రూపాయిలు షేర్ వసూళ్లు వచ్చాయట. ఈ వీకెండ్ కచ్చితంగా భారీ గ్రోత్ ని చూపించాలి. లేదంటే స్వల్ప నష్టాలు తప్పేలా లేవని అంటున్నారు ట్రేడ్ విశ్లేషకులు. చూడాలి మరి ఏమి జరగబోతుంది అనేది.
