Krishnabhagavan: తెలుగులోని టాలెంటెడ్ కమెడియన్ల జాబితాను పరిశీలిస్తే ఆ జాబితాలో కృష్ణ భగవాన్ ముందువరసలో ఉంటారు. ఈ మధ్య కాలంలో కృష్ణ భగవాన్ కు సినిమాలలో ఆఫర్లు ఎక్కువగా రాకపోయినా సరైన పాత్ర పడితే కృష్ణభగవాన్ మళ్లీ బిజీ అవుతారనడంలో సందేహం అవసరం లేదు. ఈటీవీ ఛానల్ లో ప్రసారమవుతున్న క్యాష్ షో ప్రోమో తాజాగా రిలీజ్ కాగా ఈ షోలో సమీర్, కృష్ణ భగవాన్, హేమ, పోసాని కృష్ణమురళి హాజరయ్యారు.
సుమ సమీర్ కు సన్మానం చేస్తామని చెప్పగా చెయ్యండని బయట ఎలాగో జరగదని కృష్ణభగవాన్ అదిరిపోయే పంచ్ పేల్చారు. సుమ పోసానికి తమిళం కూడా వచ్చని చెప్పగా అయితే కన్నడలో మంచి వేషం ఇస్తానని కృష్ణ భగవాన్ నవ్వులు పూయించారు. సుమ మీ లైఫ్ లో మీరు ఆశ్చర్యానికి గురైన సంఘటన ఏమిటని కృష్ణ భగవాన్ ను అడగగా కృష్ణ భగవాన్ రఘుబాబుకు, మరో ఆవిడకు నంది అవార్డ్ రావడం అని చెప్పుకొచ్చారు.
ఇండస్ట్రీలో ఎవరైనా మిమ్మల్ని తొక్కేయాలని చూశారా అని సుమ అడగగా కృష్ణ భగవాన్ రఘుబాబే అని అన్నారు. ఎవరైనా ఒకరిని తుక్కుతుక్కు కింద కొట్టమంటే ఎవరిని కొడతారని సుమ అడగగా రఘుబాబుని కొడతానని కృష్ణ భగవాన్ అన్నారు. అయితే రఘుబాబు గురించి కృష్ణ భగవాన్ సరదాగానే చెప్పారని నెటిజన్లు భావిస్తున్నారు. కృష్ణభగవాన్ కామెడీ టైమింగ్ వేరే లెవెల్ అని నెటిజన్లు కామెంట్లు చేస్తున్నారు.
