Chiranjeevi Mega158 movie new look: ‘మన శంకర వరప్రసాద్ గారు’ వంటి భారీ రీజనల్ బ్లాక్ బస్టర్ హిట్ తర్వాత మెగాస్టార్ చిరంజీవి(Megastar Chiranjeevi) డైరెక్టర్ బాబీ తో ఒక సినిమా చేయబోతున్న సంగతి తెలిసిందే. ఎప్పుడో జనవరి నెలలో మొదలు అవ్వాల్సిన ఈ సినిమా , అనేక కారణాల వల్ల వాయిదా పడుతూ వస్తోంది. ఏప్రిల్ 10 న గ్రాండ్ గా లాంచ్ చేద్దామని అనుకున్నారు. ఆంధ్ర ప్రదేశ్ ఉపముఖ్యమంత్రి పవన్ కళ్యాణ్ ని కూడా లాంచ్ ఈవెంట్ కి ఆహ్వానించారు. కానీ ఈ చిత్రాన్ని నిర్మించబోయే KVN ప్రొడక్షన్స్ లో తెరకెక్కిన మరో చిత్రం ‘జన నాయగన్ ‘ విడుదలకు ముందే లీక్ అవ్వడంతో , లాంచ్ ప్రోగ్రాం ని వాయిదా వేశారు. అయితే ఇప్పుడు ఈ సినిమా ప్రారంభోత్సవం జరుపుకోవడానికి సిద్ధంగా ఉంది. అందులో భాగంగా నేడు డైరెక్టర్ బాబీ మెగాస్టార్ చిరంజీవి కి లుక్ టెస్ట్ ని నిర్వహించాడు.
అందుకు సంబంధించిన ఫోటోలు సోషల్ మీడియా లో లీకై బాగా వైరల్ అయ్యింది. ఇకపోతే ఈ సినిమా మొదటి షెడ్యూల్ కి సంబంధించిన కొన్ని లీక్స్ ఇప్పుడు సోషల్ మీడియా లో హాట్ టాపిక్ గా మారింది. ఈ షెడ్యూల్ కోసం ఒక భారీ సెట్స్ ని ఏర్పాటు చేస్తున్నారట. ఈ సెట్స్ లో ఇంటర్వెల్ సన్నివేశాన్ని షూట్ చేయబోతున్నట్టు తెలుస్తోంది. మెగాస్టార్ చిరంజీవి , ప్రకాష్ రాజ్ కాంబినేషన్ లో వచ్చే ఈ హై వోల్టేజ్ యాక్షన్ సీక్వెన్స్ సినిమాకు మెయిన్ హైలైట్ గా నిలవబోతుందట. మెగాస్టార్ చిరంజీవి కెరీర్ లోనే ది బెస్ట్ ఇంటర్వెల్ బ్యాంగ్ గా నిలవబోతుందని అంటున్నారు. ముఖ్యంగా ఈ చిత్రం లో మెగాస్టార్ చిరంజీవి లుక్ అభిమానులు కలలో కూడా ఊహించని విధంగా ఉండబోతుంది అట. ఇందులో ఆయన 60 ఏళ్ళ మాఫియా డాన్ గా కనిపించబోతున్నాడు.
బాబీ మార్క్ ఫ్యామిలీ డ్రామా తో పాటు , భారీ ఎలివేషన్ సన్నివేశాలు, ఊర మాస్ యాక్షన్ తో ఈ చిత్రాన్ని మెగా ఫ్యాన్స్ కి ట్రీట్ లాగా మార్చబోతున్నాడట. అంతే కాకుండా , ఈ చిత్రం లో మెగాస్టార్ ఫస్ట్ హాఫ్ లో ఒక లుక్ , సెకండ్ హాఫ్ లో వచ్చే ఫ్లాష్ బ్యాక్ ఎపిసోడ్ లో మరో లుక్ లో కనిపించబోతున్నట్టు సమాచారం. ఇందులో చిరంజీవి కి జోడీగా ప్రియమణి నటించబోతుండగా, మెగాస్టార్ కి కూతురుగా ‘ఛాంపియన్ ‘ మూవీ హీరోయిన్ అనశ్వర రాజన్ నటించబోతుంది. వచ్చే ఏడాది సమ్మర్ టార్గెట్ గా ఈ చిత్రాన్ని విడుదల చేయబోతున్నారు మేకర్స్. గతం లో బాబీ , చిరంజీవి కాంబినేషన్ లో వచ్చిన ‘వాల్తేరు వీరయ్య’ ఎంత పెద్ద బ్లాక్ బస్టర్ గా నిల్చిందో అందరికీ తెలిసిందే. ఇప్పుడు ఈ సినిమాని అంతకు మించిన బ్లాక్ బస్టర్ అయ్యేలా బాబీ తీర్చిదిద్దుతాడని అభిమానులు బలమైన నమ్మకం తో ఉన్నారు.
