Ghani: ముకుంద సినిమాతో తెలుగు ప్రేక్షకులకు పరిచయమై.. కంచె సినిమాతో తనలోని నటనకు ఆజ్యం పోసిన పోసిన హీరో వరుణ్ తేజ్. ప్రస్తుతం వరుణ్ హీరోగా నటిస్తున్న సినిమా గని. స్పోర్ట్స్ డ్రామాగా తెరకెక్కుతోన్న ఈ సినిమాకు కిరణ్ కొర్రపాటి దర్శకత్వం వహిస్తున్నారు. వరుణ్ తే సరసన సాయి మంజ్రేకర్ నటిస్తుండగా.. థమన్ సంగీతం అందిస్తున్నారు.
Fantastic transformation for #Ghani my dear @IAmVarunTej .Shows your hard work & passion for the character. Way to go! Wish you and the entire team all success! https://t.co/ccLJA9YFkh
— Chiranjeevi Konidela (@KChiruTweets) November 17, 2021
మెల్లగా విడుదల తేదీ దగ్గరపడుతుండటంతో ప్రమోషన్స్ను వేగవంతం చేసింది చిత్రబృందం. ఇప్పటికే ఈ సినిమా నుంచి విడుదలైన ప్రచార చిత్రాలు, వీడియోలు సినిమాపై భారీ అంచనాలు రేకెత్తించాయి. తాజాగా, ఈ సినిమా ట్రైలర్పై మెగాస్టార్ చిరంజీవి స్పందించారు. అందులో వరుణ్ తేజ్ బాడీ ట్రాన్స్ఫర్మేషన్పై ఆసక్తికర కామెంట్ చేశారు.
ఫెంటాస్టిక్ ట్రాన్ఫర్మేషన్ వరుణ్ అంటూ చెప్పుకొచ్చారు. ఈ పాత్ర కోసం వరుణ్ చేసిన హార్డ్వర్క్, తనకున్న ప్యాషన్ అర్ధమవుతోందని అన్నారు. ఈ సినిమా వరుణ్ తేజ్కు, చిత్రయూనిట్కు మంచి విజయం తెచ్చిపెట్టాలని ఆశిస్తున్నట్లు ట్విట్టర్ వేదికగా తెలిపారు.
ముకుంద సినిమాతో తెలుగు ప్రేక్షకులకు పరిచయమై.. కంచె చిత్రంతో రెండో సినిమాకే తనలోని నటుడికి ప్రాణం పోసి తెలుగు ప్రేక్షకులను ఆకట్టుకున్నారు వరుణ్. ఆ తర్వాత వచ్చిన లోఫర్, ఫిదా, గద్దలకొండ గణేశ్ చిత్రాలు బాక్సాఫీసు వద్ద కలెక్షన్లు కురిపించాయి. వెంకీ మామతో కలిసి ఎఫ్ 2 సినిమాలో స్క్రీన్ షేర్ చేసుకున్నారు వరుణ్. ఇప్పుడు బాక్సింగ్ ఛాంపియన్గా కనిపించేందుకు సిద్ధమవుతున్నారు. ఎన్నో అంచనాలతో విడుదలకు సిద్ధమవుతున్న ఈ సినిమా ప్రేక్షకులను అలరిస్తుందా లేదా తెలియాలంటే.. విడుదలయ్యేంతవరకు వేచి చూడాల్సిందే.