ఇంటర్నెట్ వినియోగం, సోషల్ మీడియా హవా పెరిగిన తర్వాత సినిమాల పరిధి, మార్కెట్ కూడా విస్తృతమైంది. మంచి సినిమాలకు, మంచి పాటలకు ప్రపంచమంతటా ఆదరణ లభిస్తోంది. ముఖ్యంగా మ్యూజిక్ వీడియోలు, సినిమా సాంగ్స్ విషయంలో భాషతో సంబంధం లేకుండా క్రేజ్ లభిస్తోంది. ఆ మధ్య ధనుష్ పాడిన ‘కొలవెరి’ ప్రపంచాన్ని ఊపేసింది. ఇప్పుడు టాలీవుడ్ స్టయిలిష్ స్టార్ అల్లు అర్జున్.. ‘అల వైంకుఠపురములో’ మూవీలోని ‘బుట్ట బొమ్మ’ సాంగ్ కూడా ఒక ఊపు ఊపేస్తోంది. రామజోగయ్య శాస్త్రి అందించిన అద్భుత సాహిత్యానికి మ్యూజిక్ డైరెక్టర్ థమన్ అదిరిపోయే బాణీలు అందించాడు. అర్మాన్ మాలిక్ హృద్యంగా పాడగా.. కొరియోగ్రాఫర్ జానీ క్లాసిక్ నృత్యరీతులు సమకూర్చాడు. బన్నీ, పూజా హెగ్డే కూడా పాటలో లీనమైపోయి నర్తించిన ఈ సాంగ్ యూత్నే కాదు అన్ని వయసుల వారినీ కట్టి పడేసింది.
సీఎం జగన్ కు ముద్రగడ లేఖ.. వెనకున్నదేవరు?
సినిమా రిలీజ్కు ముందే లిరికల్ సాంగ్ సూపర్ హిట్ అవగా.. సినిమా వచ్చి పూర్తి వీడియో సాంగ్ను యూట్యూబ్లో ఉంచాక ప్రపంచ వ్యాప్తంగా మార్మోగుతోంది. బన్నీ, పూజా చేసిన సిగ్నేచర్ స్టెప్స్ను చిన్నారులు, యువతే కాకుండా పలువురు సెలెబ్రిటీలు సైతం ట్రై చేసి సోషల్ మీడియాలో పోస్ట్ చేశారు. బాలీవుడ్ నటి శిల్పా శెట్టి, ఆస్ట్రేలియా స్టార్ క్రికెటర్ డేవిడ్ వార్నర్ దంపతులు సైతం బుట్టబొమ్మ స్టెప్పులేయడంతో ఈ పాటకు మరింత క్రేజ్ వచ్చింది. దాంతో, ఈ సాంగ్ రికార్డుల పరంపర కొనసాగుతోంది. ఫిబ్రవరి 25న ఈ సాంగ్ను యూట్యూబ్లో అప్లోడ్ చేశారు. యూట్యూబ్లో అత్యధిక వ్యూస్ వచ్చిన తెలుగు సాంగ్గా రికార్డు సృష్టించింది. తాజాగా బుట్టబొమ్మ వ్యూస్ సంఖ్య 250 మిలియన్ల మార్కును చేరుకుంది. అలాగే, ప్రపంచ వ్యాప్తంగా పాపులర్ అయిన 100 వీడియో సాంగ్స్లో బుట్టబొమ్మ 15వ ప్లేస్ సాధించి మరో రికార్డు సాధించింది. ఏదేమైనా ‘అల వైకుంఠపురములో’ రిలీజై చాలా రోజులు గడిచినా.. అభిమానులు బుట్టబుమ్మను మాత్రం మరిచిపోవడం లేదు. ఈ సాంగ్ ఇంకెన్ని రికార్డులు సృష్టిస్తుందో చూడాలి.