Akhanda Pre Release: నందమూరి బాలకృష్ణ బోయపాటి దర్శకత్వంలో తెరకెక్కిన సినిమా అఖండ. డిసెంబరు 2న విడుదలకు సిద్ధమైన ఈ సినిమా టీజర్.. ట్రైలర్, సాంగ్స్ ప్రేక్షకులను అమితంగా ఆకట్టుకున్నాయి. కాగా, ప్రమోషన్స్లో భాగంగా హైదరాబాద్లోని శిల్పకళావేదికపై గ్రాండ్గా ప్రీ రిలీజ్ ఈవెంట్ను నిర్వహించారు మేకర్స్. ఈ వేడుకకు ఐకాన్ స్టార్ అల్లు అర్జున్ ముఖ్య అతిథిగా హాజరయ్యారు. దర్శకుడు రాజమౌళి కూడా వచ్చారు.
ఈ వేడుకలో దర్శకుడు బోయపాటి మాట్లాడుతూ… జై బాలయ్య అని అభిమానులు ఇప్పుడు అంటున్ననారు కానీ, నేనైతో ఎప్పుడూ అనుకుంటాను.. అని అన్నారు. ఓ మంచి సినిమాను తెలుగు ప్రేక్షకులు ఎలా ఆదరిస్తారో తనకు తెలుసని.. దానికి ఉదాహరణే సింహా, లెజెండ్ అని అన్నారు. ఇప్పుడు అఖండ కూడా అంతే గొప్పగా నచ్చుతుందని అన్నారు.
మరోవైపు, బాలయ్య చేతికి సర్జరీ కావడానికి నేనే కారణమని అన్నారు బోయపాటి. జై బాలయ్య సాంగ్ షూట్ రిహార్సిల్స్ సమయంలో కాలు జారి కింద పడిపోతూ.. ఎడమ భుజంతో ఆపేశారని.. కానీ, షూట్ ఆపేద్దామని నేను అంటే.. పర్లేదు చేసేద్దామని బాలయ్య అన్నారని తెలిపారు బోయపాటి. అభిమానులకు మాస్ సాంగ్స్ లేకపోతే ఎలా అన్నారు. అది బాలయ్య అంటే.. నేను ఇప్పుడు డైరెక్టర్గా నిలబడ్డానంటే.. దానికి కారణం బాలయ్య.. దానికి హెల్ప్ చేసింది మాత్రం బన్నీ.. వీరిద్దరికి నేను ఎప్పుడూ రుణపడి ఉంటానని అన్నారు బోయపాటి. ఈ సినిమాతో పాటు వచ్చే ఏడాది రిలీజ్ కానున్న ఆర్ఆర్ఆర్, భీమ్లానాయక్, ఆచార్య సినిమాలు కూడా మంచి హిట్ అందుకోవాలని కోరుకుంటున్నట్లు తెలిపారు బోయపాటి.
