Aryan Khan: బాలీవుడ్ బాద్ షా షారూఖ్ ఖాన్ నిరీక్షణ ఎట్టకేలకు నెరవేరింది. డ్రగ్స్ కేసులో ఇరుక్కున్న స్టార్‌ హీరో షారుఖ్‌ ఖాన్ తనయుడు… ఆర్యన్ ఖాన్ జైలు నుంచి విడుదల అయ్యాడు. ముంబై లోని ఆర్థర్‌ రోడ్‌ జైలు నుంచి షారూఖ్ ఖాన్ తనయుడ ఆర్యన్ ఖాన్ రిలీజ్‌ అయ్యారు. గత నెలరోజులుగా ఆర్యన్ ఖాన్ డ్రగ్స్ కేసులో అరెస్ట్ అయినప్పటి నుంచి పలువురు ప్రముఖ లాయర్లు కోర్టుల్లో వాదనలు వినిపిస్తున్నా బెయిల్ మంజూరు కాలేదు. కానీ ఎట్టకేలకు లాయర్ ముకుల్ రోహత్గీ ఆర్యన్ ఖాన్ కు బెయిల్ ఇప్పించాడు.
ఇక ఆర్యన్ ఖాన్ విడుదల అవుతున్న కారణంగా షారూఖ్ ఖాన్ కుటుంబం జైలు వద్దకు చేరుకున్నారు. ఆర్యన్ ఖాన్ కు ఆయన కుటుంబ సభ్యులు స్వాగతం పలికారు. కాగా డ్రగ్స్ కేసులో ఆర్యన్ ఖాన్ అరెస్ట్ అయ్యిన సంగ‌తి తెలిసిందే. రెండు సార్లు ఆర్యన్ ఖాన్ బెయిల్ కోసం ప్ర‌య‌త్నాలు జ‌రిపినా ఫలించ‌లేదు. ఆర్యన్ ఖాన్ కు కోర్టు బెయిల్ మంజూరు చేయ‌డంతో ఇవాళ ఆయన జైలు నుండి విడుదల అయ్యారు.
అయితే డ్రగ్స్ కేసులో బాలీవుడ్ హీరోయిన్ అనన్య పాండే తో ఆర్యన్ చాటింగ్ చేసినట్టు గా గుర్తించారు. దాంతో అనన్య పాండే ఇంట్లో సోదాలు నిర్వహించి అధికారులు ఆమె లాప్టాప్ సెల్ ఫోన్ ను స్వాధీనం చేసుకున్న విషయం తెలిసిందే. ఇక పలుమార్లు అనన్య పాండే ఎన్సిబీ ముందు విచారణకు హాజరుకాగా డ్రగ్స్ పై ఆర్యన్ తో జరిగిన చాటింగ్ గురించి అధికారులు బ్యూటీని ప్రశ్నించారు.
