RaviTeja Birthday Special : ఈ నెల 26వ తేదీన మాస్ మహారాజా రవితేజ పుట్టిన రోజు. కాగా రవితేజ పుట్టినరోజు సందర్భంగా.. ఆ రోజు ఉదయం రవితేజ కొత్త సినిమాల అప్ డేట్స్ రానున్నాయి. ముఖ్యంగా రవితేజ పుట్టిన రోజు నాడు మొత్తం 6 సినిమాల అప్డేట్స్ ఉండబోతున్నాయని తెలుస్తోంది. మొదట రవితేజ హీరోగా రమేష్ వర్మ దర్శకత్వంలో వస్తున్న ‘ఖిలాడీ’ మూవీ గురించి చిత్ర యూనిట్ తాజాగా ఓ అప్ డేట్ ను విడుదల చేసింది. ఈ నెల 26న రవితేజ పుట్టినరోజు సందర్భంగా.. ఆ రోజు ఉదయం 10.08 గంటలకు ‘ఫుల్ కిక్కు’ అంటూ సాగే పాటను రిలీజ్ చేస్తామని ప్రకటించింది.
అలాగే, ఫిబ్రవరి 11న ఈ చిత్రాన్ని థియేటర్లలో విడుదల చేస్తామని చిత్ర యూనిట్ మరోసారి క్లారిటీ ఇచ్చింది. ‘ఖిలాడీ’ నుంచి కీలక అప్ డేట్ వస్తే.. రవితేజ హీరోగా వస్తున్న మరో సినిమా ‘రామారావు ఆన్ డ్యూటీ’ నుంచి టీజర్ రానుంది అట. ఈ టీజర్ ను ఇప్పటికే కట్ చేసారని, చాలా బాగా వచ్చిందని తెలుస్తోంది. అలాగే రవితేజ ప్రస్తుతం చేస్తున్న మరో సినిమా ‘ధమాకా’ నుంచి ఫస్ట్ గ్లింప్స్ వీడియో రాబోతుంది.
అదే విధంగా రవితేజ చేస్తున్న ఇంకో సినిమా ‘రావణాసుర’. కాగా ఈ రావణాసుర నుంచి బర్త్ డే పోస్టర్ రానుంది. అలాగే రవితేజ హీరోగా వస్తున్న క్రేజీ మూవీ టైగర్ నాగేశ్వరరావు నుంచి కూడా ఓ సాంగ్ ను రిలీజ్ చేయబోతున్నారు. ఇక బాబీ దర్శకత్వంలో చిరంజీవి నటిస్తున్న సినిమాలో కూడా రవితేజ ఓ కీలక పాత్రలో నటిస్తున్నాడు. అయితే, ఈ సినిమాలో రవితేజ నటిస్తున్నట్లు ఓ ప్రకటన రానుంది.
మొత్తమ్మీద రవితేజ ప్రస్తుతం చేస్తున్న ఆరు సినిమాల నుంచి భారీ అప్ డేట్స్ రాబోతున్నాయి. మరి జనవరి 26న రవితేజ అభిమానులకు ఫుల్ కికే. పైగా రవితేజ చేస్తున్న ఆరు సినిమాల పై మంచి అంచనాలు ఉన్నాయి.
