Bigg Boss Agnipariksha 2: ‘బిగ్ బాస్ 9’ ఎంత పెద్ద బ్లాక్ బస్టర్ హిట్ గా నిల్చిందో ప్రత్యేకించి చెప్పనవసరం లేదు. ఇప్పటి వరకు ప్రసారమైన అన్ని సీజన్స్ కంటే , ఈ సీజన్ కి ఆడియన్స్ నుండి అద్భుతమైన రెస్పాన్స్ వచ్చింది. అందుకు కారణం ఫ్యామిలీ ఎమోషన్స్ , బంధాల మధ్య ఈ షో నడవడం వల్లే. అంతే కాదు , ఈ షో ఇంత పెద్ద హిట్ అవ్వడానికి మరో ముఖ్యమైన కారణం ‘అగ్నిపరీక్ష’ షో. ఈ షో ద్వారా బిగ్ బాస్ హౌస్ లోకి ఎంట్రీ ఇచ్చిన కళ్యాణ్ పడాల , డిమోన్ పవన్ , మాస్క్ మ్యాన్ హరీష్ , దివ్య నిఖిత, ప్రియా, దమ్ము శ్రీజ వంటి వారు ఇచ్చిన కంటెంట్ మామూలుది కాదు. ఒక్క మాటలో చెప్పాలంటే వీళ్ళ వల్లే షో రేంజ్ ఎక్కడికో వెళ్ళిపోయింది.
అందుకే ఈ సీజన్ కి కూడా ‘అగ్ని పరీక్ష’ కాన్సెప్ట్ ని ఎంచుకున్నారు మేకర్స్. అయితే ఈ సీజన్ కి జడ్జీలుగా శివాజీ , గీత మాధురి వంటి వారు వ్యవహరిస్తారని సోషల్ మీడియా లో పెద్ద ఎత్తున ప్రచారం సాగింది. అయితే అందులో ఎలాంటి నిజం లేదట. గత సీజన్ లో జడ్జీలుగా వ్యవహరించిన నవదీప్, బిందు మాధవి , అభిజీత్ లే ఈ సీజన్ కి కూడా జడ్జీలుగా వ్యవహరించబోతున్నారని సమాచారం. వచ్చే వారం ఈ ముగ్గురిపై స్పెషల్ ప్రోమో ని షూట్ చేసే ప్లాన్ లో ఉన్నారట. ఈ నెల 27 నుండి ‘అగ్నిపరీక్ష 2’ షూటింగ్ మొదలు కానుంది. ఆగస్టు 11 లేదా ఆగష్టు 13 నుండి ఈ షో జియో హాట్ స్టార్ , స్టార్ మా ఛానల్ లో టెలికాస్ట్ కానుందట. మొత్తం మీద ఈ షో 16 ఎపిసోడ్స్ ఉంటుందని సమాచారం.
అయితే గత సీజన్ లో సామాన్యులే టైటిల్ విన్నర్ గా నిలవడం తో , ఈ సీజన్ కి దరఖాస్తులు రికార్డు స్థాయిలో వస్తాయని అందరూ ఊహించారు. కానీ అలాంటిదేమి జరగలేదట. కేవలం 25 వేల దరఖాస్తులు మాత్రమే వచ్చాయట. లక్షల్లో ఊహిస్తే వేలల్లో వచ్చాయి , ఈ విషయం లో మేకర్స్ కాస్త నిరాశలోనే ఉన్నారట. మరి ఈ షో కి ఎలాంటి రెస్పాన్స్ వస్తుందో చూడాలి. గత సీజన్ కంటే , ఈ సీజన్ లో చాలా కఠినమైన టాస్కులు నిర్వహించబోతున్నారని, ఈ సీజన్ లో కంటెస్టెంట్స్ తరుపున మెంటర్స్ కూడా ఉంటారని , గత సీజన్ లో టైటిల్ విన్నర్ గా నిల్చిన కళ్యాణ్ పడాల కూడా ఒక మెంటర్ గా వ్యవహరించే అవకాశం ఉందని అంటున్నారు.
