Bigg Boss 7 Telugu Rathika Rose
Bigg Boss 7 Telugu Rathika Rose: బిగ్ బాస్ తెలుగు 7 గురువారం ఎపిసోడ్ ఆసక్తికరంగా ముగిసింది. కొన్ని కీలక పరిణామాలు చోటు చేసుకున్నాయి. బిగ్ బాస్ మాయాస్త్ర కోసం ఇంటి సభ్యులను రణధీర, మహాబలి టీమ్స్ గా విభజించిన విషయం తెలిసిందే. రణధీర టీమ్ లో అమర్ దీప్, శివాజీ, షకీలా, శోభా శెట్టి, ప్రియాంక, ప్రిన్స్ యావర్ ఉన్నారు. ఇక మహాబలి టీమ్ లో దామిని, రతికా రోజ్, పల్లవి ప్రశాంత్, తేజా, గౌతమ్ కృష్ణ, శుభశ్రీ ఉన్నారు. బిగ్ బాస్ నిర్వహించిన రెండు టాస్క్స్ లో రణధీర టీమ్ విజయం సాధించింది.
దాంతో రణధీర టీమ్ లో ఉన్న ఆరుగురు సభ్యుల్లో ఇద్దరు నెక్స్ట్ రౌండ్ కి వెళతారు. ఆ ఇద్దరిలో ఒకరికి మాయాస్త్ర, పవర్ అస్త్ర దక్కుతాయి. రణధీర టీమ్ మెంబర్స్ వద్ద మాయాస్త్ర భాగాలు ఉన్నాయి. మహాబలి టీమ్ లో ఉన్న సభ్యులు ఒక్కొక్కరిగా వచ్చి రణధీర టీమ్ లో ఉన్న సభ్యుల్లో పవర్ అస్త్రకు అనర్హుడని భావించిన సభ్యుని వద్ద ఉన్న మాయాస్త్ర భాగం తీసుకుని అర్హుడు అని భావించిన సభ్యుడికి ఇవ్వాలి. మొదట మహాబలి టీమ్ నుండి దామిని వచ్చింది. ఆమె ప్రియాంక వద్ద ఉన్న మాయాస్త్ర భాగం తీసుకుని షకీలాకు ఇచ్చింది.
అనంతరం పల్లవి ప్రశాంత్ అమర్ దీప్ వద్ద ఉన్న మాయాస్త్ర భాగం తీసుకుని శివాజీకి ఇచ్చాడు. తర్వాత ఎవరు వెళ్తారు అనే విషయంలో మహాబలి టీమ్ మధ్య వివాదం నడిచింది. రతికా రోజ్ మిగతా ఐదుగురు సభ్యుల మాట వినలేదు. టీమ్ లీడర్ గా ఉన్న దామిని మీద ఫైర్ అయిన రతికా… ఈ టీం లో ఉండటం ఇష్టం లేదు. అందరూ బఫున్స్ అంటూ పెద్ద పదాలు వాడింది. గంటల తరబడి టాస్క్ ఆగిపోయేందుకు కారణమైంది. ఆగ్రహించిన బిగ్ బాస్ అనూహ్యంగా రణధీర టీం సభ్యులకు శిక్ష వేశాడు.
అప్పటి వరకు ఆరుగురు రణధీర సభ్యుల్లో ఎవరి వద్ద అయితే మాయాస్త్ర భాగాలు లేవో వారిని డిస్ క్వాలిఫై చేశాడు. శోభా శెట్టి, ప్రియాంక, అమర్ దీప్ వద్ద ఏం లేవు. దీంతో రతికా కారణంగా వారు విలువైన పవర్ అస్త్ర గెలుచుకునే ఛాన్స్ కోల్పోయారు. ఇక శివాజీ, షకీలా, ప్రిన్స్ యావర్ రేసులో ఉన్నారు. వీరిలో మహాబలి టీం సభ్యుల ఎంపిక ఆధారంగా ఇద్దరు ఫైనల్ కి వెళతారు. ఒకరికి పవర్ అస్త్ర దక్కుతుంది.
పవర్ అస్త్ర పొందిన ఇంటి సభ్యుడికి 4 వారాలు ఇమ్యూనిటీ లభిస్తుందని బిగ్ బాస్ చెప్పాడు. రతికా కారణంగా గోల్డెన్ ఛాన్స్ మిస్ చేసుకున్న అమర్ దీప్ ఫైర్ అయ్యాడు. బూతులు తిడుతూ ఏడ్చేశాడు. ఇక శివాజీ, షకీలా, ప్రిన్స్ యావర్ లలో ఎవరు పవర్ అస్త్ర గెలుచుకుంటారో చూడాలి…
