Bigg Boss 5 Telugu 8th Week: బిగ్ బాస్ ఏడు వారాలు ముగించుకుని ఎనిమిదో వారంలోకి ఎంటరయ్యింది. బిగ్ బాస్ లో అన్నింటికంటే పెద్ద టాస్క్ నామినేషన్స్. సోమవారం వచ్చిందంటే చాలు రచ్చ రంబోలా అవుతుంది. హౌస్ లో నామినేషన్ల ప్రక్రియ చినిగి చాటవుతోంది. గొడవలు, కొట్లాటలు, ఆగ్రహ జ్వాలలు.. ఇలా కొట్టుకోవడం ఒకటే తక్కువ అన్నట్టుగా సాగుతోంది. హౌస్ లో ఎమోషన్స్ పీక్ స్టేజ్ కి చేరుకుంటుండగా.. ప్రేక్షకులకు మాత్రం కావాల్సినంత మజా పంచుతోంది.
బాగా ఆడినా, ఆడకపోయినా.. నవ్వించినా.. నవ్వించకపోయినా.. ఏ చిన్న తప్పు చేసినా.. చేయకున్నా సరే కంటెస్టెంట్లు కారణాలు చూపి నామినేట్ చేయాల్సి ఉంటుంది. హౌస్ లోని అందరూ దీన్ని భరించాల్సిందే. ఎప్పుడో ఒకప్పుడు నామినేట్ కావాల్సిందే. ప్రతి సోమవారం దీన్ని చేపడతారు. అదే రోజు హౌస్ రసాభాసగా సాగుతుంది.
ఇప్పటికే ఏడుగురు ఇంటి సభ్యులు ఎలిమినేట్ అయ్యారు. మొదటి వారం నుండి ఇప్పటివరకు గాను సరయు, ఉమాదేవి, లహరి, నటరాజ్ మాస్టర్, హమీదా, శ్వేతా వర్మ, ఆర్టిస్ట్ ప్రియా ఎలిమినేట్ అయిన సంగతి తెల్సిందే. ఇక ఎనిమిదో వారం నామినేషన్ ప్రక్రియ రానే వచ్చేసింది.
బిగ్ బాస్ హౌస్ లో ఎనిమిదో వారానికి గాను నామినేషన్ ప్రక్రియ ప్రారంభమయ్యింది. అయితే తాజా గా జరుగుతున్న లీకుల ప్రక్రియలో ఎనిమిదో వారానికి గాను నామినేట్ అయిన హౌస్ మేట్స్ ఎవరో ముందుగానే తెలిసిపోయింది. అలా మొత్తానికి ఎనిమిదో వారం ఇంటి నుంచి బయటకు వెళ్లేందుకు షణ్ముఖ్,లోబో, శ్రీరామచంద్ర, రవి, సిరి, మానస్ నామినేట్ అయ్యారని తెల్సిపోయింది. ఇంక ఎంత రచ్చ జరగబోతుందో తెలియాలంటే పూర్తి ఎపిసోడ్ కోసం ఇవ్వాళా (సోమవారం) జరిగే ఎపిసోడ్ కోసం ఎదురు చూడాల్సిందే.
