Degala Babji: నటుడిగా సినీ కెరీర్ మొదలు పెట్టి ఆ తర్వాత నిర్మాతగా ప్రేక్షకులకు పరిచయమైన వ్యక్తి బండ్ల గణేశ్. అయితే, ఇప్పటి వరకు హాస్యనటుడిగా, క్యారక్టర్ ఆర్టిస్ట్గా కనిపించిన ఈయన.. తొలుసారి హీరోగా వెండితెరపై సందడి చేసేందుకు సిద్ధమవుతున్నారు. బండ్ల గణేశ్ ప్రధాన పాత్రలో తెరకెక్కుతోన్న సినిమా డేగల బాబ్జీ. క్రైమ్, సస్పెన్స్ థ్రిల్లర్గా రూపొందితోన్న సినిమా ఇది. వెంకట్ చంద్ర ఈ మూవీకి దర్శకత్వం వహిస్తున్నారు. తాజాగా, ఈ సినిమా ట్రైలర్ను విడుదల చేసింది చిత్రబృందం.
హత్య కేసులో ఆరోపణలు ఎదుర్కొంటున్న డేగల బాబ్జీ జైలుకెళ్తాడు. ఆ తర్వాత అతని జీవితంలో జరిగిన ఘటనలు, తీసుకున్న మలుపులు ఇలా ట్రైలర్ ఆద్యంతం ఎంతో ఆసక్తికరంగా ఉంది. అన్ని ఎమోషన్స్ను కనబరుస్తూ.. బండ్ల గణేశ్ నటన ప్రేక్షకులను ఆకట్టుకునేలా ఉన్నాయి. ‘‘పుట్టగానే వాడు అస్సలు ఏడవలేదు. కానీ వాడు పుట్టినప్పటి నుంచి మేము ఏడుస్తూనే ఉన్నాం’’, ‘‘అస్సలు అమ్మ అందంగా ఉండాలన్న రూల్ ఏమైనా ఉందా’’ అంటూ బండ్ల గణేశ్ చెప్పే పవర్ఫుల్ డైలాగ్లు ఆకట్టుకునేలా ఉన్నాయి. ఈ సినిమాను షసష్రి ఫిల్మ్స్ పతాకంపై స్వాతి నిర్మిస్తున్నారు. త్వరలోనే ప్రేక్షకుల ముందు కనువిందు చేసేందుకు సిద్ధమవుతోంది.
కాగా, ఎప్పుడూ ఇంటర్వ్యూల్లో విభిన్నంగా మాట్లాడుతూ.. వార్తల్లో నిలుస్తుంటారు బండ్లగణేశ్. ఈ క్రమంలోనే ఒకానొక సమయంలో మీమ్ పేజీల్లో టాప్ ట్రెండ్గానూ నిలిచారు. కాగా, ఇప్పటి వరకు కమిడియన్గా, క్యారక్టర్ ఆర్టిస్ట్గా అలరిచిన బండ్ల గణేశ్.. ఇప్పుడు హీరోగా కనిపిస్తుండటంతో అభిమానుల్లో ఎక్కడలేని ఉత్సాహం నెలకొంది. మరి సినిమా ఎంత వరకు విజయం సాధిస్తుందో తెలియాలంటే వేచి చూడాల్సిందే.
