Akhanda: నందమూరి బాలకృష్ణ హీరోగా బోయపాటి దర్శకత్వంలో ప్రతిష్టాత్మకంగా తెరకెక్కుతోన్న సినిమా అఖండ. విభిన్న పాత్రలతో అలరించేందుకు ఈ సినిమాతో సిద్ధమవుతున్నారు బాలయ్య. సింహా, లెజెండ్ చిత్రాలతో వరుస హిట్ కొట్టిన బాలయ్య, బోయపాటి మరోసారి హ్యాట్రిక్ హిట్ కొట్టేందుకు రెడీ అవుతున్నారు. ఇటీవలే విడుదలైన టీజర్, లిరికర్ సాంగ్స్కు ప్రేక్షకుల నుంచి విపరీతమైన రెస్పాన్స్ వస్తోంది. మరోవైరు, అఘోరాగా బాలయ్య గెటప్ చూస్తుంటే సినిమా ఏ రేంజ్లో ఉండనుందో అని అంచనాలు వేసుకుంటున్నారు. కార్తీక మాసం సందర్భంగా ఈ గెటప్కు సంబందించిన భం అఖండ భం భం అఖండ అనే టైటిల్ సాంగ్ పూర్తి లిరికల్ వీడియోను విడుదల చేసింది చిత్రబృందం.
ప్రస్తుతం సోషల్ మీడియాలో ఈ సాంగ్ వీడియో వైరల్గా మారింది. అనంత్ శ్రీరామ్ రాసిన ఈ పాటను తన కుమారులు సిద్దార్థ్, శివమ్తో కలిసి శంకర్ మహదేవన్ అద్భుతంగా ఆలపించారు. ఇత తమ తన సంగీతంతో పూనకాలు తెప్పించేశారు. ఎలాగైనా ఇండస్ట్రీ హిట్ కొట్టాలనే బోయపాటి తపన ఈ వీడియోలో స్పష్టంగా కనిపిస్తోంది. త్వరలోనే ఈ సినిమా విడుదల తేదీని ప్రకటించనున్నారు. ప్రగ్యా జైస్వాల్ హీరోయిన్గా కనిపించనుంది. ఇందులో శ్రీకాంత్ ఓ కీలక పాత్రను పోషించారు.
మరోవైపు అన్స్టాపబుల్ విత్ ఎన్బీకే షోతో ఆహాలో సందడి చేస్తున్నారు బాలయ్య. ఇప్పటికే తొలి ఎపిసోడ్ను పూర్తి చేసుకున్న బాలయ్య.. రెండో ఎపిసోడ్ను నేచురల్ స్టార్ నానితో కలిసి రానున్నారు. కాగా, ప్రస్తుతం నాని శ్యామ్సింగరాయ్ సినిమాలో హీరోగా కనిపించనున్నారు. పీరియాడికల్ నేపథ్యంలో ఈ స్టోరీని తెరకెక్కిస్తున్నారు.
