Balakrishna: తెలుగు సినిమా ఇండస్ట్రీలో నందమూరి నటసింహం బాలయ్య బాబుకి ఉన్న క్రేజ్ మరే హీరోకి లేదని చెప్పడంలో ఎంత మాత్రం అతిశయోక్తి లేదు. ఆయన లాంటి హీరో తెలుగు సినిమా ఇండస్ట్రీలో మరొకరు ఉండరనేది వాస్తవం… అలాంటి బాలయ్య బాబు తో సినిమాలు చేయడానికి చాలా మంది దర్శకులు ఆసక్తి చూపిస్తుంటారు. ఇక ఇలాంటి క్రమంలోనే ఇద్దరు దర్శకులకు ఆయన పిలిచి మరి అవకాశాన్ని ఇచ్చాడు. కానీ వాళ్ళు అవకాశాన్ని వాడుకోలేదనే చెప్పాలి. యజ్ఞం సినిమాతో సక్సెస్ ని సాధించిన ఏ ఎస్ రవికుమార్ చౌదరి కి బాలయ్య పిలిచి మరి ఒక సినిమా చేయమని ఛాన్స్ ఇచ్చాడు. దాంతో ఆయన ‘వీరభద్ర’ అనే సినిమా చేసి భారీ డిజాస్టర్ ను మూట గట్టుకున్నాడు.
ఇక ఈ సినిమా తర్వాత బాలయ్య బాబు మరింత డౌన్ ఫాల్ అయిపోయాడు. ఇక దేవదాసు సినిమా చేసి సూపర్ సక్సెస్ ని సాధించిన వైవిఎస్ చౌదరికి సైతం బాలయ్య పిలిచి మరి ఒక బంపర్ ఆఫర్ ఇచ్చాడు. దాంతో ఆయన ఒక దేశభక్తికి సంబంధించిన కథను చేస్తానని చెప్పి భారతీయుడు సినిమా కథనే అటు ఇటు తిప్పి ‘ఒక్క మగాడు’ మూవీ చేశాడు. ఈ సినిమా బాలయ్య బాబు కెరియర్ లోనే వరస్ట్ సినిమా అని చెప్పొచ్చు.
అయితే ఇద్దరు దర్శకులు బాలయ్య ఇచ్చిన ఆఫర్ ని వాడుకోలేకపోయారు. కానీ బాలయ్య బాబుతో చాలామంది దర్శకులు సినిమా చేయడానికి ఎదురుచూస్తున్నారు. వాళ్లకి ఒక్క అవకాశం వస్తే చాలు బాలయ్య బాబుని టాప్ లెవెల్లో చూపించి సినిమాలను సూపర్ సక్సెస్ గా నిలుపుతామంటూ మంచి కథలను పట్టుకొని తిరుగుతున్నారు.
అయినప్పటికి వాళ్ళకి అవకాశాలైతే రావడం లేదు. ఇక ఏది ఏమైనా కూడా బాలయ్య ఈ ఏజ్ లో కూడా వరుసగా కమర్షియల్ సినిమాలను చేస్తూ సక్సెస్ లను సాధిస్తూ ముందుకు దూసుకెళ్తున్నాడు అంటే ఆయన ఎలాంటి కథలను సెలెక్ట్ చేసుకుంటూ ముందుకు వెళ్తున్నాడో మనం అర్థం చేసుకోవచ్చు…
