Balakrishna 109 Movie: బాలకృష్ణ కుర్ర హీరోలకు పోటీ ఇస్తూ వరుస చిత్రాలు ప్రకటిస్తున్నారు. ఏడాదికి కనీసం ఒక సినిమాతో ప్రేక్షకులను పలకరిస్తున్నారు. ఈ ఏడాది బాలయ్య నుండి రెండు చిత్రాలు రానున్నాయి. సంక్రాంతి కానుకగా వీరసింహారెడ్డి విడుదల కాగా… దసరా బరిలో భగవంత్ కేసరి ఉంది. అంటే 2023లో బాలయ్య రెండు సినిమాలు విడుదల చేశారు. భగవంత్ కేసరి సెట్స్ పై ఉండగానే దర్శకుడు బాబీతో కొత్త చిత్ర ప్రకటన చేశారు. బాలయ్య జన్మదినం జూన్ 10 బాలయ్య-బాబీ చిత్రం పూజా కార్యక్రమాలతో ఘనంగా మొదలైంది.
బాలయ్య 109వ చిత్రంగా తెరకెక్కుతున్న ఈ మూవీ కాన్సెప్ట్ పోస్టర్ అదిరింది. బాలయ్య నిజజీవితంలో తాగే ఆల్కహాల్ బ్రాండ్ మ్యాన్షన్ హౌస్ ఫుల్, సిగరెట్ ప్యాకెట్, డబ్బులతో పాటు మారణ ఆయుధాలు ఉన్న ఓ పురాతన పెట్టెను చూపించారు. అలాగే ఓ అద్భుతమైన క్యాప్షన్ కూడా ఇచ్చారు. ప్రపంచానికి అతడు తెలుసు అయితే అతడి ప్రపంచం ఎవరికీ తెలియదు… అని పోస్టర్ వేసి క్యాప్షన్ అదిరిపోయింది.
ఈ క్రమంలో ఈ చిత్ర కథ ఇదే అంటూ ఓ వార్త హల్చల్ చేస్తుంది. బాలయ్య క్యారెక్టర్ లో రెండు షేడ్స్ ఉంటాయట. అజ్ఞాతంలో ఉన్న బాలయ్య కొంచెం సాఫ్ట్ గా ఉంటారు. అన్యాయాన్ని ఎదురించే, తన రోజు కోసం ఎదురుచూస్తూ ఉంటాడు. సాధారణ జనాల్లో కలిసి జీవనం సాగిస్తూ ఉంటాడు. బాలకృష్ణ రక్త చరిత్ర ఎవరికీ తెలియదు. అతడు ఎంత పెద్ద డాన్, శత్రువులకు సింహ స్వప్నం, డేంజరస్ కిల్లర్ అనే విషయం తెలియదు.
అతడి నేపథ్యం ఏంటో తెలిసిన రోజు చుట్టూ ఉన్నవాళ్ల మైండ్స్ బ్లాక్ అవుతాయట. అక్కడి నుండి తన ముసుగు తీసి మరలా శత్రు సంహారం మొదలుపెడతాడట. ఎక్కడ ఆపాడో అక్కడ మొదలుపెడతాడట. ఇదే బాలయ్య 109 కథ అంటున్నారు. ఈ వార్తల్లో ఎంత వరకు నిజం ఉందో తెలియదు కానీ ప్రముఖంగా ప్రచారం అవుతుంది. సితార ఎంటర్టైన్మెంట్స్ బ్యానర్లో సూర్యదేవర నాగవంశీ ఈ చిత్రాన్ని నిర్మిస్తున్నారు.
