Adipurush: యంగ్ రెబెల్ స్టార్ ప్రభాస్ హీరో గా నటించిన ‘ఆదిపురుష్’ చిత్రం వచ్చే నెల 16 వ తారీఖున ప్రపంచవ్యాప్తంగా అన్నీ ప్రాంతీయ బాషలలో విడుదల అవ్వబోతున్న సంగతి తెలిసిందే. ఈ సినిమాకి సంబంధించిన ట్రైలర్ రీసెంట్ గానే విడుదల అయ్యి ఫ్యాన్స్ మరియు ఆడియన్స్ నుండి అద్భుతమైన రెస్పాన్స్ ని దక్కించుకుంది.అయితే ‘ఆదిపురుష్’ చిత్రానికి విడుదలకు ముందే ఒక అరుదైన గౌరవం దక్కడం తో ఫ్యాన్స్ ఎంతో గర్వపడ్డారు.
అదేమిటి అంటే ఈ చిత్రం విడుదలకు మూడు రోజు ముందు ట్రిబెకా ఇంటర్నేషనల్ ఫిల్మ్ ఫెస్టివల్ లో ప్రదర్శించబోతున్నారని, దానికి సంబంధించిన టికెట్స్ కూడా అమ్ముడుపోయాయి అంటూ సోషల్ మీడియా లో ఒక న్యూస్ వచ్చింది. అయితే ఇప్పుడు ఈ చిత్రాన్ని ఆ ఫిల్మ్ ఫెస్టివల్ లో ప్రదర్శించడం లేదని , షోస్ మొత్తం రద్దు చేయబడ్డాయని మేకర్స్ తెలిపారు.
ఎండికంటే విడుదలకు ముందే ఇలాంటి ప్రీమియర్ షోస్ వేస్తే టాక్ ఒకవేళ తేడాగా వచ్చినప్పుడు సోషల్ మీడియా మొత్తం ఒక రేంజ్ లో వ్యాప్తి చెందుతుంది.అందువల్ల ఓపెనింగ్స్ మీద కూడా తీవ్రమైన ప్రభావం చూపే అవకాశం ఉండడం తో మేకర్స్ వెనక్కి తగ్గారని తెలుస్తుంది. జూన్ 15 వ తారీఖున అమెరికా లో ప్రీమియర్ షోస్ తోనే ఈ చిత్రం ప్రారంభం అవ్వబోతుందని సమాచారం.
సినిమా మీద నమ్మకం ఉంటే టాక్ తేడా అవుతుందేమో అని ఎందుకు భయపడుతున్నారు..?, అంటే సినిమా బాగా రాలేదా అనే సందేహాలు అభిమానుల్లో నెలకొన్నాయి. దీనికి మేకర్స్ ఎలాంటి రెస్పాన్స్ ఇస్తారు అనేది త్వరలో ప్రారంభం అవ్వబోయే ప్రొమోషన్స్ లో తెలుస్తుంది. ఈ సినిమాలో రాముడిగా ప్రభాస్ నటించగా, సీత గా కృతి సనన్ మరియు రావణుడిగా సైఫ్ అలీ ఖాన్ నటిస్తున్నారు.
