Baby Movie Stars Remuneration: 2023 సెన్సేషనల్ హిట్స్ లో ఒకటిగా నిలిచింది బేబీ మూవీ. మొదటి వారం ముగిసే నాటికి రూ. 50 కోట్లకు పైగా వసూళ్లు రాబట్టింది. ట్రయాంగిల్ బోల్డ్ లవ్ డ్రామా యూత్ తెగ నచ్చేసింది. ఇక బేబీ చిత్రాన్ని సుకుమార్, అల్లు అర్జున్ వంటి స్టార్స్ పొగడటం కూడా ప్లస్ అయ్యింది. విడుదలకు ముందు నుంచే బేబీ చిత్రానికి మంచి ప్రచారం దక్కింది. నిర్మాత పెద్ద ఎత్తున ప్రోమోట్ చేశారు. బేబీ చిత్రానికి క్రిటిక్స్ మిక్స్డ్ రివ్యూలు ఇచ్చారు.
కానీ బోల్డ్ లవ్ స్టోరీ అనే మాట ఆడియన్స్ లో వ్యాపించింది. అదే సినిమా పట్ల హైప్ వచ్చేలా చేసింది. బేబీ మూవీలో ఆనంద్ దేవరకొండ-వైష్ణవి చైతన్య హీరో హీరోయిన్స్ కి నటించారు. విరాజ్ కీలక రోల్ చేశారు. ట్రై యాంగిల్ లవ్ స్టోరీ కావడంతో కథ మొత్తం ఈ మూడు పాత్రల చుట్టే నడుస్తుంది. సినిమాను కొంత మేర బూతులు, అభ్యంతరకర సన్నివేశాలతో దర్శకుడు సాయి రాజేష్ నింపేశాడు.
ఇంతటి భారీ వసూళ్లు సాధించిన బేబీ చిత్రంలో ప్రధాన పాత్రలు చేసిన ఆనంద్, వైష్ణవి చైతన్య, విరాజ్ ఎంత తీసుకున్నారు? వారి రెమ్యునరేషన్ ఎంత? అనే చర్చ నడుస్తుంది. అందుబాటులో ఉన్న సమాచారం ప్రకారం ముగ్గురు ఇచ్చింది కోటి రూపాయలు లోపేనట. ఆనంద్ దేవరకొండ ఎదుగుతున్న హీరో. ఆయనకు అంత ఫేమ్ లేదు. ఈ క్రమంలో ఆనంద్ దేవరకొండ రెమ్యూనరేషన్ రూ. 50 లక్షలు కంటే తక్కువ అట.
ఇక వైష్ణవి చైతన్య గురించి చెప్పాల్సిన పనిలేదు. ఆమె జస్ట్ యూట్యూబర్. ఒకటి రెండు చిత్రాల్లో చిన్న చిన్న పాత్రలు చేసింది. వైష్ణవికి హీరోయిన్ గా ఆఫర్ ఇవ్వడమే గొప్ప విషయం. వైష్ణవికి రూ. 10-20 లక్షలు రెమ్యూనరేషన్ గా ఇచ్చారని సమాచారం. విరాజ్ కి సైతం రూ. 20 లక్షల కంటే తక్కువ ఇచ్చారట. దర్శకుడు సాయి రాజేష్ ఒక కోటి వరకు తీసుకున్నాడట. బేబీ భారీ విజయం సాధించిన నేపథ్యంలో అదనంగా బహుమతుల రూపంలో నిర్మాత ఎస్కేఎన్ ఏమైనా ఇస్తారేమో చూడాలి.
