Buchi Babu: గ్లోబల్ స్టార్ రామ్ చరణ్ నటించిన లేటెస్ట్ చిత్రం ‘పెద్ది’ రీసెంట్ గానే భారీ అంచనాల నడుమ విడుదలై మొదటి ఆట నుండే బ్లాక్ బస్టర్ టాక్ ని సొంతం చేసుకొని , కరువులో టాలీవుడ్ ని కాసుల కనకవర్షం తో నింపేసింది. ఎక్కడ చూసినా ఈ సినిమా గురించే ఇప్పుడు చర్చ. ఈ చిత్రానికి సంబంధించిన క్లైమాక్స్ గురించి , చివరి 45 నిమిషాల గురించి ఆడియన్స్ ఎంతలా అయితే మాట్లాడుకుంటున్నారో , హీరో జాన్వీ కపూర్ గురించి కూడా అదే రేంజ్ లో మాట్లాడుకుంటున్నారు. డైరెక్టర్ బుచ్చి బాబు ఆమె పాత్రని మలచిన తీరుపై తీవ్రమైన విమర్శలు చేస్తున్నారు. కేవలం డైరెక్టర్ ని మాత్రమే కాదు, మహానటి శ్రీదేవి కూతురు అయ్యుండి , ఇలాంటి పాత్రలు చేయడానికి సిగ్గు లేదా అంటూ సోషల్ మీడియా లో నెటిజెన్స్ జాన్వీ కపూర్ మీద కూడా తీవ్రమైన ట్రోల్స్ వేస్తున్నారు.
అయితే ఈ అంశం పై ఇప్పుడు సినీ సెలబ్రిటీలు కూడా స్పందిస్తున్నారు. నిన్ననే యాంకర్ అనసూయ , దర్శకులు ఒక సినిమా ని తీసేటప్పుడు , కాస్త బాధ్యతగా వ్యవహరించాల్సిన అవసరం ఎంతైనా ఉందంటూ చెప్పుకొచ్చింది. ఇప్పుడు లేటెస్ట్ గా ప్రముఖ యంగ్ హీరోయిన్ ఆషికా రంగనాథ్ కూడా ఈ చిత్రంలోని జాన్వీ కపూర్ పాత్రపై వస్తున్న కామెంట్స్ కి రెస్పాన్స్ ఇచ్చింది. ఆమె మాట్లాడుతూ ‘దయచేసి హీరోయిన్లను అనవసరంగా నిందించకండి. చిత్రానికి సంబంధించిన దర్శక నిర్మాతలను నిందించండి. మా లాంటి హీరోయిన్స్ కి పెద్ద హీరోల సినిమాల్లో భాగం అవ్వాలని , ఎక్కువమంది ప్రేక్షకులకు రీచ్ అవ్వాలని ఉంటుంది. ఈ క్రమం లోనే అందుబాటులోకి వచ్చే అవకాశాల మేరకు పనిచేస్తాము. డైరెక్టర్ మహిళా పాత్రలను సరిగా రాయబడలేదని మీకు అనిపిస్తే, ఆ పాత్రలను రాసే రచయితలకు , డైరెక్టర్స్ కి ఎంత బాధ్యత ఉంటుంది అనేది గుర్తించండి’ అంటూ చెప్పుకొచ్చింది.
ఒక్క ముక్కలో చెప్పాలంటే , ఎందుకు మీరంతా అనవసరంగా జాన్వీ కపూర్ ని నిందిస్తున్నారు , ఆ పాత్ర ని క్రియేట్ చేసిన బుచ్చి బాబు ని తిట్టండి అంటూ చెప్పుకొచ్చింది ఆషికా రంగనాథ్. ఆమె మాట్లాడిన ఈ మాటలు ఇప్పుడు సోషల్ మీడియా లో బాగా వైరల్ అయ్యాయి. కన్నడ లో స్టార్ హీరోయిన్ గా కొనసాగుతున్న ఈ కుర్ర హీరోయిన్ , తెలుగు లోకి అక్కినేని నాగార్జున హీరో గా నటించిన ‘నా సామి రంగ’ చిత్రం ద్వారా ఎంట్రీ ఇచ్చింది. ఈ సినిమా యావరేజ్ గా ఆడింది , ఇక రీసెంట్ గా ఈమె మాస్ మహారాజ రవితేజ నటించిన ‘భర్త మహాశయులకు విజ్ఞప్తి’ అనే చిత్రం లో నటించింది. ఇప్పుడు ఈమె ముఖ్యపాత్ర పోషించిన మెగాస్టార్ చిరంజీవి ‘విశ్వంభర’ చిత్రం విడుదలకు సిద్ధంగా ఉంది.
