వృద్ధాప్యంలో తల్లిదండ్రులను కొడుకులు వదిలేస్తే వాళ్లు ఎంతగా ఇబ్బందులు పడతారో అనే అంశాల్ని ‘ఆండ్రాయిడ్ కట్టప్ప’ అద్భుతంగా చూపించాడు, అందుకే మిస్ కావొద్దు. ఇక ఆండ్రాయిడ్ కుంజప్పన్ వెర్షన్ 5.25 అనే విభిన్నమైన టైటిల్ తో వచ్చిన ఈ సినిమా మలయాళంలో సూపర్ హిట్ అయింది. పైగా ఈ చిత్రం దేశవ్యాప్తంగా విమర్శకుల ప్రశంసలను అందుకుంది. తెలుగులోనూ ‘ఆండ్రాయిడ్ కట్టప్ప’ అనే టైటిల్ తో విడుదలై తెలుగు ప్రేక్షకులకు కొత్త అనుభూతిని పంచింది.
Also Read: ‘మదగజ’ కోసం మైసూరులో జగపతి బాబు!
ఈ చిత్రంలో కుంజప్పన్ పాత్రను నటుడు సూరజ్ అద్భుతంగా పోషించారు. ఈ చిత్రం కథ విషయానికి వస్తే..మలి వయసులోని తన తండ్రికి ఓ రోబో ను సాయంగా ఇచ్చి వెళ్తాడు కొడుకు. ఇక ఆ రోబోతో తండ్రి ఎలాంటి పాట్లు పడ్డాడు, తర్వాత దానితో ఎంతగా స్నేహం చేశాడు, ఇలా ఒక వృద్ధుడు – రోబోట్ మధ్య ఉన్న సంబంధం గురించి చాల ఎమోషనల్ గా చెబుతుంది ఈ సినిమా. సౌబిన్ కొడుకు సుబ్రహ్మణ్యం పాత్రను పోషించాడు. అలాగే కెండి జిర్డో- సైజు కురుప్ తదితరులు ప్రధాన పాత్రల్లో కనిపించారు. ఇలా ఈ చిత్ర కథాంశం ఒక ఏజ్డ్ ఒంటరి వ్యక్తి చుట్టూ తిరుగుతూ చివర్లో ఆకట్టుకునే మెసేజ్ తో ఎండ్ అవుతోంది.
Also Read: ఒక్క ట్వీట్ తో బాలీవుడ్ హీరోల పరువు తీసిన ఆర్జీవీ..!
రతీష్ బాలకృష్ణన్ పోడువాల్ దర్శకత్వం వహించిన ఈ సైన్స్ ఫిక్షన్ కామెడీ-డ్రామా ఆంగ్ల చిత్రం రోబోట్ .. ఫ్రాంక్ స్ఫూర్తితో తెరకెక్కించారు. రష్యాలోని సెయింట్ పీటర్స్‌ బర్గ్‌లో చిత్రీకరించిన కొన్ని సన్నివేశాలు కూడా ఈ చిత్రంలో ఉన్నాయి. ఈ సినిమాకు సాను వర్గీస్ చక్కని సినిమాటోగ్రఫీ అందించగా, బి.సి హరినారాయణన్ మరియు ఎ సి శ్రీహరి మధురమైన సాహిత్యం అందించారు. ఇక ఈ చిత్ర కథానాయిక కెండి జిర్డో అరుణాచల్ ప్రదేశ్ కు చెందిన అమ్మాయి అయినప్పటికీ ఆమె పోషించిన పాత్ర మాత్రం చైనీస్ పాత్ర. చాల కొత్తగా ఉంది.
