ఆండ్రియా జెరెమియా గుర్తుందిగా. ప్లే బ్యాక్ సింగర్ నుంచి హీరోయిన్అవతారం ఎత్తిన ఈ బ్యూటీ సౌత్ ఇండస్ట్రీలో దూసుకెళ్తోంది. జూ.ఎన్టీఆర్ రాఖీ సినిమాలో సూపర్ హిట్ ‘జర జరా’ పాట పాడిన ఆండ్రియా… తడాఖా సినిమాతో తెలుగులో తెరంగేట్రం చేసింది. విశ్వరూపం సినిమాలో కమల్ హాసన్‌ సరసన నటించి పేరుతెచ్చుకున్న ఆమె మరెన్నో సినిమాల్లో మెప్పించింది. సింగర్గా కూడా బిజీగానే ఉన్న ఆమె.. తమిళ యువ సంగీత దర్శకుడు అనిరుధ్‌తో ప్రేమలో వార్తల్లోకి వచ్చింది. వీరిద్దరి ఏకాంత ఫొటోలు అప్పట్లో హల్‌చల్‌ చేశాయి. అయితే, ఈ మధ్య సినిమాలపై దృష్టి పెట్టిన ఆండ్రియా ఫుల్ బిజీగా మారింది. తమిళ్‌లో ఇప్పుడు ఐదు చిత్రాల్లో నటిస్తోందామె.
ఈ మధ్యే దాదాపు 40 రోజుల పాటు ఆమె ఆడవిలో గడిపించింది. సినిమాలతో ఇంత బిజీగా ఉన్న ఆండ్రియా.. అడవికి వెళ్లాల్సిన అవసరం ఏముందంటారా?. ఇంకెందుకు షూటింగ్ కోసమే. అటవీ నేపథ్యంలో సాగే ఓ సాహాస చిత్రంలో ఆమె నటిస్తోంది. ఆ మూవీ పేరు ‘కా’. దాని షూటింగ్ దాదాపు అడవిలోనే జరిగింది. అందుకోసం ఆండ్రియాతో పాటు చిత్ర యూనిట్ 40 రోజుల పాటు ఓ కారడవిలో జరిగిన చిత్రీకరణలో పాల్గొన్నారు. ‘కా’ అంటే అడవి అని అర్థం. ఈ సినిమాలో ఆండ్రియా వైల్డ్‌ లైఫ్ ఫొటోగ్రాఫర్ పాత్రలో నటిస్తోంది. అడవిలో ఫొటోలు తీస్తుండగా ఆమె ఓ నేరాన్ని చూస్తారని, ఆ తర్వాత ఏం జరిగిందనే విషయమే చిత్ర కథాంశం అని దర్శకుడు నాంజిల్ చెబుతున్నాడు. ఆండ్రియా కెరీర్తో పాటు కోలీవుడ్‌లోనే ఈ చిత్రం ప్రత్యేకంగా నిలిచిపోతుందని నమ్మకంగా చెబుతున్నాడు.
