Anand Devarakonda: విజయ్ దేవరకొండ తమ్ముడిగా ఆనంద్ దేవరకొండ చిత్రపరిశ్రమకు పరిచయం అయ్యారు. దొరసాని, మిడిల్ క్లాస్ మెలోడీస్ చిత్రాలలో తనకంటూ గుర్తింపు తెచ్చుకున్నాడు ఈ యంగ్ హీరో. ఈ అన్నదమ్ములు ఎవరి సపోర్టు లేకుండా చిత్ర పరిశ్రమలో తమకంటూ ప్రేక్షకులలో ఒక ప్రత్యేక గుర్తింపు పొందారు.
ప్రస్తుతం ఆనంద్ దేవరకొండ వరుస సినిమాలతో దూసుకుపోతున్నాడు. దర్శకుడు దామోదరతో చేస్తున్న ‘పుష్పక విమానం’ సినిమా నవంబర్ 12 న విడుదల కానుంది. అలానే మరో పక్క గుహన్ దర్శకత్వం వహించిన ‘హైవే’ అనే సినిమాను కూడా పూర్తి చేశాడు. అయితే ఇప్పుడు మరో ఇంట్రెస్టింగ్ ప్రాజెక్ట్ కు ఓకే చెప్పాడు ఆనంద్.
డైరెక్టర్ సాయి రాజేష్ దర్శకత్వంలో … సాఫ్ట్ వేర్ డెవలపర్ షార్ట్ ఫిలిం లో నటించిన వైష్ణవి చైతన్య, విరాజ్ ఆశి ప్రధాన పాత్రలో నటిస్తున్న చిత్రం ‘బేబీ’. ఈ సినిమాకు ఎస్. కె. ఎన్ నిర్మాతగా వ్యవహరించనున్నారు. ఈ నేపధ్యంలోనే ఈరోజు ఈ చిత్రానికి సంబంధించిన పూజా కార్యక్రమాలు హైదరాబాద్లో లాంఛనంగా ప్రారంభమయ్యాయి. ఈ కార్యక్రమానికి ముఖ్య అతిథిగా నిర్మాత అల్లు అరవింద్, దర్శకుడు సుకుమార్ పాల్గొన్నారు.
ఈ నెల 20వ తేదీ నుంచి ఈ మూవీ రెగ్యులర్ షూటింగ్ ప్రారంభం కానుందని మూవీ యూనిట్ తెలిపారు. ‘100 పర్సెంట్ లవ్’, ‘వన్ నేనొక్కడినే’, ‘పుష్ప’ వంటి భారీ చిత్రాలకు పని చేసిన కార్తిక్ శ్రీనివాస్… ఈ చిత్రానికి ఎడిటర్ గా పనిచేస్తుండడం విశేషం. విజయ్ బుల్గానిన్ ఈ సినిమాకు మ్యూజిక్ డైరెక్టర్ గా వర్క్ చేస్తున్నారు. ప్రస్తుతం ఈ పూజ కార్యక్రమం ఫోటోలు సోషల్ మీడియా లో వైరల్ గా మారాయి.
