Allu Arha: అల్లు అర్జున్ గారాల పట్టి అర్హ పుట్టిన రోజు ఈరోజు. నవంబరు21, 2016న అర్హ పుట్టింది. నేటితో ఐదేళ్లు పూర్తిచేసుకుని.. ఆరో వసంతంలోకి అడుగుపెట్టింది. ఈ క్రమంలోనే ఓ వీడియోను బన్నీ భార్య స్నేహ ఇన్స్టాగ్రామ్ వేదికగా షేర్ చేసింది. అందులో అర్హ చెస్ గేమ్ ఆడుతూ కనిపించింది. ఒక్కో చెస్ గేమ్బోర్డులో పావులు తదుపుతూ.. కేరింతలూ కొడుతూ.. చిందులేస్తూ కనిపించింది. తనను బన్నీ కుటుంబం ప్రోత్సహిస్తూ.. కనిపించారు. ఆ తర్వాత గేమ్లో తాను గెలుచుకున్న బహుమతులను ఫ్యామిలీకి చూపించింది అర్హ. బన్నీ, స్నేహ.. అర్హ ఆటను ప్రేమతో ఆనందిస్తుండగా.. అల్లు అరవింద్ మనవరాలిని ముద్దు చేస్తూ కనిపించారు.
https://www.instagram.com/reel/CWhhPDWlrIf/?utm_source=ig_web_copy_link
అల్లు అర్జున్ తన కుటుంబానికి ఎంత ప్రాధాన్యత ఇస్తారో ప్రత్యేకంగా చప్పాల్సిన పనిలేదు. సమయం దొరికినప్పుడల్లా.. తన పిల్లలో సరదాగా గడుపుతుంటారు. అందుకు సంబంధించిన ఫొటోలు, వీడియోలు నెట్టింట్లో షేర్ చేస్తూ ఉంటారు.
కాగా, ప్రస్తుతం బన్నీ పుష్ప సినిమాలో నటిస్తున్న సంగతి తెలిసిందే. సుకుమార్ దర్శకత్వలో తెరకెక్కుతోన్న ఈ సినిమాపై భారీగా అంచనాలు నెలకొన్నాయి. ఇందులో రష్మికా హీరోయిన్గా నటిస్తోంది. ఎర్రచందనం స్మగ్లింగ్ నేపథ్యంలో ఈ సినిమా రూపొందిస్తున్నారు. ఇందులో ఫహద్ ఫాసిల్, సునీల్ కీలకపాత్రల్లో నటిస్తున్నారు. మరోవైపు అనసూయ కూడా మాస్ క్యారెక్టర్లో దర్శనమివ్వనుంది. ఈ సినిమాతోనే బన్నీ బాలీవుడ్లోకి ఎంట్రీ ఇవ్వనున్నారు. రెండు భాగాలుగా తెరకెక్కుతోన్న ఈ సినిమా తొలి పార్ట్ డిసెంబరు 17న విడుదల కానుంది.
