Allu Arjun Gratitude Revanth Reddy: తెలంగాణ ప్రభుత్వం ఎంతో ప్రతిష్టాత్మకంగా తీసుకున్న గద్దర్ అవార్డ్స్(Gaddar Awards) ని నేడు ఉదయం ప్రకటించిన సంగతి అందరికీ తెలిసిందే. ఈ సందర్భంగా ఉత్తమ నటుడి క్యాటగిరీ లో ఐకాన్ స్టార్ అల్లు అర్జున్(Icon Star Allu Arjun) కి ‘పుష్ప 2′(Pushpa 2 Movie) చిత్రానికి గానూ ఈ అవార్డు వరించింది. అల్లు అర్జున్ కి, సీఎం రేవంత్ రెడ్డి(CM Revanth Reddy) కి అసలు పడదు కదా, మరి ఆయన ప్రభుత్వం లో ఈ అవార్డుని అల్లు అర్జున్ కి ఎలా ప్రకటించారు అనేది ఇప్పటికీ అందరికీ ఆశ్చర్యాన్ని కలిగిస్తున్న విషయం. కక్ష్య సాధింపులు రేవంత్ రెడ్డి హిస్టరీ లోనే లేదని, కేవలం తప్పు ని తప్పుగా మాత్రమే చూస్తాడని, ప్రతిభ ని ప్రతిభ లాగానే చూస్తాడని, అందుకే అల్లు అర్జున్ కి ఈ అవార్డుని ప్రకటించాడని రేవంత్ రెడ్డి అభిమానులు చెప్పుకొస్తున్నారు. మరో పక్క అల్లు అర్జున్ అభిమానులు మాత్రం అరెస్ట్ చేయించిన వాళ్ళతోనే సలాం కొట్టించుకున్నాడు మా అభిమాన హీరో అంటూ సోషల్ మీడియా లో ఒక రేంజ్ ఎలివేషన్స్ వేస్తున్నారు.
ఇదంతా పక్కన పెడితే కాసేపటి క్రితమే అల్లు అర్జున్ తెలంగాణ ప్రభుత్వానికి కృతఙ్ఞతలు చెప్తూ ట్విట్టర్ లో వేసిన ఒక ట్వీట్ ఇప్పుడు బాగా వైరల్ అయ్యింది. ఆయన మాట్లాడుతూ ‘ గద్దర్ అవార్డ్స్ కి ఉత్తమ నటుడిగా నేను ఎంపిక అవ్వడాన్ని ఎంతో గర్వంగా భావిస్తున్నాను. ఈ సందర్భంగా తెలంగాణ ప్రభుత్వానికి మనస్ఫూర్తిగా నా ధన్యవాదాలు తెలియజేస్తున్నాను. ఈరోజు నాకు ఈ గౌరవం దక్కడానికి కారణం డైరెక్టర్ సుకుమార్ గారు, మరియు నిర్మాతలే. ఈ అవార్డుని నా అభిమానులకు అంకితం చేస్తున్నాను’ అంటూ చెప్పుకొచ్చాడు అల్లు అర్జున్. అయితే ఈ అవార్డ్స్ ని ప్రకటించినప్పుడు అల్లు అర్జున్ స్వయంగా వచ్చి తీసుకుంటాడా లేదా అనే అనుమానాలు అభిమానుల్లో ఉండేవి. ఎందుకంటే ఆయన సీఎం రేవంత్ రెడ్డి కారణంగా చాలా పరువు భంగం కలిగింది.
జీవితం లో మళ్ళీ వీళ్ళు కలుసుకోరేమో అని అంతా అనుకున్నారు. కానీ ఇప్పుడు ఒకే వేదిక మీద కనిపించబోతున్నారు అని ఈ ట్వీట్ తో స్పష్టంగా అర్థం అవుతుంది. సీఎం రేవంత్ రెడ్డి చేతుల మీదుగా ప్రత్యేకంగా సన్మానింపబడి ఈ అవార్డుని అందుకోబోతున్నాడు అల్లు అర్జున్. ఎవరైతే ఆయన్ని అరెస్ట్ చేయించారో , ఆయన చేతుల మీదగా ఇలాంటి అరుదైన గౌరవం దక్కించుకోవడం సినిమాలో ఒక భారీ ఎలివేషన్ సన్నివేశాన్ని చూసినట్టుగా అనిపిస్తాది అంటూ అభిమానులు సోషల్ మీడియా లో కామెంట్స్ చేస్తున్నారు. ఇకపోతే అల్లు అర్జున్ పుష్ప 2 తర్వాత తమిళ డైరెక్టర్ అట్లీ తో ఒక సినిమా చేయబోతున్న సంగతి అందరికీ తెలిసిందే. ఈ చిత్రం ప్రీ ప్రొడక్షన్ వర్క్ లో ఫుల్ బిజీ గా ఉండిపోయాడు అల్లు అర్జున్. వచ్చే నెలలో ఈ సినిమా సెట్స్ మీదకు వెళ్లే అవకాశాలు ఉన్నాయి.
I am truly honoured to receive the first Best Actor award for #Pushpa2 at the #GaddarTelanganaFilmAwards 2024.
Heartfelt thanks to the Government of Telangana for this prestigious honour .
All credit goes to my director Sukumar garu, my producers, and the entire Pushpa team.
I…
— Allu Arjun (@alluarjun) May 29, 2025
