Allu Arjun emotional post on Ram Charan: గ్లోబల్ స్టార్ రామ్ చరణ్ నటించిన ‘పెద్ది’ చిత్రం రీసెంట్ గానే విడుదలై మొదటి ఆట నుండి అద్భుతమైన పాజిటివ్ టాక్ ని సొంతం చేసుకొని కలెక్షన్ల వర్షం కురిపిస్తూ ముందుకు దూసుకుపోతోంది. ముఖ్యంగా రామ్ చరణ్ నటనపై ప్రతీ ఒక్కరు ప్రశంసలు కురిపిస్తున్నారు. ఈ సినిమాతో ఆయన కచ్చితంగా నేషనల్ అవార్డు ని అందుకుంటాడని అంటున్నారు. అయితే ఇంత అద్భుతంగా నటించినప్పటికీ కూడా టాలీవుడ్ నుండి ఒక్క సెలబ్రిటీ కూడా ఈ సినిమా గురించి కానీ , రామ్ చరణ్ నటన గురించి కానీ అభినందిస్తూ ట్వీట్లు వేయలేదని రామ్ చరణ్ అభిమానులు బాధపడ్డారు. అయితే కాసేపటి క్రితమే ఐకాన్ స్టార్ అల్లు అర్జున్ ఈ చిత్రం గురించి ట్వీట్ చేయగా , అది ఇప్పుడు సోషల్ మీడియా లో పెద్ద హాట్ టాపిక్ గా మారింది.
అల్లు అర్జున్ మాట్లాడుతూ ‘నిన్న రాత్రే పెద్ది చిత్రాన్ని వీక్షించాను. నా సోదరుడు రామ్ చరణ్ తన అద్భుతమైన నటనతో, గ్రేస్ ఫుల్ డ్యాన్స్ తో మైమరచి పోయేలా చేసాడు. నా తమ్ముడు కి లభిస్తున్న ప్రశంసలు చూస్తుంటే నాకు చాలా గర్వం గా ఉంది. అందుకు ఆయన అర్హుడు. అదే విధంగా ఈ చిత్రం లో జగపతి బాబు గారు అద్భుతంగా నటించారు , జాన్వీ కపూర్ వెండితెర పై చూసేందుకు ఎంతో చక్కగా ఉంది. జగపతి బాబు గారు కూడా అదిరిపోయే రేంజ్ పెర్ఫార్మన్స్ ఇచ్చాడు. రామ్ చరణ్ ని అద్భుతంగా చూపించినందుకు , ప్రతీ ఫ్రేమ్ లో ఆయన్ని ఎలివేట్ చేసినందుకు డైరెక్టర్ బుచ్చి బాబు కి ప్రత్యేక అభినందనలు , పెద్ది చిత్రం ఈ రేంజ్ ఘనవిజయం సాధించినందుకు టీం మొత్తానికి శుభాకాంక్షలు’ అంటూ చెప్పుకొచ్చాడు. చాలా కాలం తర్వాత రామ్ చరణ్ సినిమా గురించి అల్లు అర్జున్ ఈ రేంజ్ లో మాట్లాడడం పై మెగా ఫ్యాన్స్ సంబరాలు చేసుకుంటున్నారు.
చాలా కాలం నుండి అల్లు అర్జున్ , రామ్ చరణ్ మధ్య కోల్డ్ వార్ నడుస్తోంది అంటూ మీడియా ఒక రేంజ్ లో ప్రచారం చేస్తూ వచ్చింది. అయితే అవన్నీ కేవలం రూమర్స్ మాత్రమే అని ఇలాంటి సందర్భం వచ్చినప్పుడల్లా ఈ కజిన్స్ నిరూపిస్తూనే ఉన్నారు. మా ఇద్దరి మధ్య పోటీ ఉన్నది వాస్తవమే , కానీ అది స్పోర్టివ్ నేచర్ లో ఉంటుంది అని చెప్పకనే చెప్తూ వచ్చారు. ఇప్పుడు అల్లు అర్జున్ ఇండస్ట్రీ నుండి పెద్ది సినిమా గురించి మాట్లాడిన మొట్టమొదటి స్టార్ సెలబ్రిటీ గా నిలవడం తో రామ్ చరణ్ ఫ్యాన్స్ కూడా ఆయనకు ప్రత్యేకంగా ధన్యవాదాలు తెలియజేస్తున్నారు.
Watched #Peddi last night. Mind-blowing performance by my dear @AlwaysRamCharan.
A Gritty, raw performance, extraordinary body transformation, and graceful dance moves. He absolutely aced it in every aspect. Genuinely very proud of my brother. Truly deserves every bit of the…— Allu Arjun (@alluarjun) June 9, 2026
