Buttabomma: త్రివిక్రమ్ దర్శకత్వంలో అల్లు అర్జున్ నటించిన సినిమా అల వైకుంఠపురములో. వీరిద్దరి కాంబినేషన్లో వచ్చిన సినిమాలన్నీ హిట్ అవుతూనే వచ్చాయి. ఈ సినిమా కూడా సంక్రాంతికి విడుదలై బాక్సాఫీసు వద్ద రికార్డులు కురిపించింది. అయితే, ఈ సినిమా హిట్ వెనక సంగీతం కూడా కీలక పాత్ర పోషించింది. ఈ సినిమాలోని పాటలకు థమన్ సంగీతం అందించారు. త్రివిక్రమ్ ఈ సినిమా కోసం ఎంత స్పెషల్ కేర్ తీసుకున్నారో ఈ ఆల్బమ్ని బట్టి తెలుస్తోంది. కాగా, ఈ సినిమాలో సూపర్హిట్గా నిలిచి.. ప్రేక్షకులను ఎంతగానో హద్దుకున్న పాటల్లో బుట్ట బొమ్మ ఒకటి.
ఈ పాట విడుదలైనప్పుడే వ్యూస్ పరంగా ఎన్నో రికార్డులు సొంతం చేసుకుంది. ఇప్పుడు కూడా ఆ జోరును కొనసాగిస్తూనే ఉంది. ఇప్పటి వరకు ఏకంగా 700 మిలియన్ల వ్యూస్ మార్కును అందుకుని మరో భారీ రికార్డు క్రియేట్ చేసింది. ఈ సందర్భంగా ఆదిత్య మ్యూజిక్, చిత్ర యూనిట్ ఆనందం వ్యక్తం చేస్తున్నారు.
The lovely beats of ButtaBomma has made it to whopping 700 million views on youtube. Thank you for so much love and support
► https://t.co/UwwxUwNAG4#AlaVaikunthapurramuloo @alluarjun #Trivikram @hegdepooja @MusicThaman @ArmaanMalik22 @ramjowrites #PSVinod @AlwaysJani pic.twitter.com/icCnOT9Q8d
— Aditya Music (@adityamusic) November 16, 2021
కాగా, ప్రస్తుతం త్రివిక్రమ్ భీమ్లానాయక్ సినిమాకు పనిచేస్తున్నారు. ఇందులో సినిమాకు స్క్రీన్ప్లేతో పాటు, మాటలు కూడా అందిస్తున్నారు. కాగా, ఇటీవలే ఆయన రాసిన పాట లాలా భీమ్లా విడుదలై సెన్షేషన్ క్రియేట్ చేసిన సంగతి తెలిసిందే. మరోవైపు, సుకుమార్ దర్శకత్వంలో తెరకెక్కుతోన్న పుష్పలో బన్నీ హీరోగా చేస్తున్నారు. ఇప్పటి వరకు తన కెరీర్లో ఎప్పుడూ చేయని విభిన్న పాత్రలో కనిపించనున్నారు బన్నీ. ఈ సినిమాలో రష్మిక హీరోయిన్గా నటిస్తోంది. కాగా, ఈ సినిమాలోని ఐటెం సాంగ్లో సమంత సందడి చేయనుండటం విశేషం. రెండు భాగాలుగా తెరకెక్కుతోన్న ఈసినిమా.. తొలి పార్టును డిసెంబరులో విడుదల చేయనున్నారు.
