Akshay Kumar NTR Movie: తెలుగు స్టార్ డైరెక్టర్స్ లో రాజమౌళి తరువాత ఆ స్థాయి ఉన్న డైరెక్టర్ లిస్ట్ లో మొదటి ప్లేస్ ‘కొరటాల శివ’దే. మహేష్, ఎన్టీఆర్, చరణ్ సైతం కొరటాల శివ పై ప్రత్యేక అభిమానాన్ని చూపిస్తున్నారంటే అది కొరటాల డైరెక్షన్ స్కిల్ కి దక్కిన గౌరవం. మరి అలాంటి డైరెక్టర్ యంగ్ టైగర్ ఎన్టీఆర్ తో సినిమా స్టార్ట్ చేయబోతున్నాడు అంటూ గత కొన్ని నెలలుగా వార్తలు వస్తూనే ఉన్నాయి. ఎట్టకేలకు ఆ వార్తలకు మోక్షం కలిగింది.
Jr NTR and Koratala Shiva
కొరటాల శివతో ఇప్పటికే ఎన్టీఆర్ తర్వాత సినిమాని అఫీషియల్‌ గా అనౌన్స్ చేశారు మేకర్స్. అయితే, తాజాగా ఈ సినిమా గురించి వచ్చిన అప్ డేట్ ఎన్టీఆర్ ఫ్యాన్స్ కి మంచి కిక్ ఇచ్చింది. కొరటాల ఎన్టీఆర్ తో ఓ భారీ యాక్షన్ డ్రామాను తెరకెక్కించబోతున్న సంగతి తెలిసిందే. అయితే, ఈ చిత్రం పీరియాడిక్ మూవీ అని, పాకిస్తాన్ – ఇండియా విడిపోయిన కాలంలో జరిగిన కొన్ని పరిస్థితుల ఆధారంగా కథ మొదలవుతుందని తెలుస్తోంది.
Also Read: త్రివిక్రమ్ కి యాక్షన్ సెట్ కాదు అంటున్న మహేష్
అలాగే ఆ తర్వాత పాకిస్తాన్ – ఇండియా మధ్య జరిగిన యుద్ధం వరకూ.. ఆ యుద్ధంలో ఇండియా గెలుపు కోసం ఎంత గొప్పగా పోరాటం చేశారనే కోణంలో కొరటాల ఈ సినిమాని తీయాలనుకుంటున్నాడు. ఇక ఈ సినిమాని పాన్ – ఇండియా స్థాయిలో దాదాపు 250 కోట్ల బడ్జెట్ తో నిర్మించనున్నారు. ఈ సినిమా కోసం ఎన్టీఆర్ దాదాపు బల్క్ డేట్స్ కేటాయిస్తున్నాడు.
Akshay Kumar NTR
వచ్చే నెల నుంచి సెట్స్ పైకి ఈ సినిమా వెళ్లనుంది. ప్ర‌పంచ‌వ్యాప్తంగా బాక్సాఫీస్ వద్ద భారీ కలెక్షన్స్ రాబట్టి… గొప్ప యాక్షన్ డ్రామాగా ఈ సినిమా నిలుస్తోందని మేకర్స్ చాలా బలంగా నమ్ముతున్నారు. దాంతో ఈ సినిమాకు పాన్ ఇండియా లెవల్లో మంచి డిమాండ్ ఏర్పడింది. ఇక ఈ సినిమాలో మరో సీనియర్ హీరో పాత్ర ఉంది. ఆ పాత్రలో ఒకప్పటి స్టార్ హీరోని తీసుకోవాలని కొరటాల ప్లాన్ చేస్తున్నాడు.
ఎందుకంటే ఎన్టీఆర్ కి సినిమాలో అది బాబాయ్ పాత్ర అట. వెరీ ఎమోషనల్ గా ఉండే ఆ పాత్రలో స్టార్ హీరో అక్షయ్ కుమార్ ను ఒప్పించాలని ప్లాన్ చేస్తున్నారు. అలాగే ఈ సినిమాలో ఎన్టీఆర్ కి విలన్ గా కూడా తమిళ స్టార్ హీరో విజయ్ సేతుపతిని ఒప్పించాలని ప్లాన్ చేస్తున్నారు.
Also Read: అఖిల్, స్రవంతిలు ముమైత్ ఖాన్ గురించి ఏం మాట్లాడారో తెలుసా?