Akhil Akkineni: సుమారుగా మూడేళ్ళ సుదీర్ఘ విరామం తర్వాత అక్కినేని అఖిల్ మన ముందుకు ‘లెనిన్’ చిత్రం ద్వారా రాబోతున్నారు. మే 1 న విడుదల అవ్వాల్సిన ఈ సినిమా, ఆ తర్వాత జూన్ 25 కి వాయిదా పడింది. అప్పటికీ కూడా పోస్ట్ ప్రొడక్షన్ వర్క్ చాలా వరకు బ్యాలన్స్ ఉండడం తో జులై 10 కి వాయిదా పడింది. విడుదలకు సరిగ్గా 9 రోజుల సమయం ఉండడంతో మూవీ టీం చాలా గట్టిగా ప్రొమోషన్స్ ని మొదలుపెట్టింది. ముందుగా యాంకర్ సుమ తో చేసిన కిచెన్ ఇంటర్వ్యూ సోషల్ మీడియాలో బాగా వైరల్ అయ్యింది. ఇక నిన్న ఈ చిత్రానికి సంబంధించిన ట్రైలర్ లాంచ్ ఈవెంట్ లో అఖిల్ మాట్లాడిన మాటలు బాగా వైరల్ అయ్యాయి. అదే విధంగా ట్రైలర్ కి కూడా ఆడియన్స్ నుండి చాలా మంచి పాజిటివ్ రెస్పాన్స్ వచ్చింది. అక్కినేని ఫ్యాన్స్ ఆకలి ఈ చిత్రం తో నెరవేరబోతోంది అనే నమ్మకాన్ని ఇచ్చింది ఈ ట్రైలర్.
ఇదంతా పక్కన పెడితే ఈ సినిమాలో హీరోయిన్ రోల్ కోసం ముందుగా శ్రీలీల ని ఎంచుకున్న సంగతి అందరికీ తెలిసిందే. ఆమె పై కొన్ని కీలక సన్నివేశాలను చిత్రీకరించారు , మొదటి గ్లింప్స్ వీడియో లో కూడా ఆమెకు సంబంధించిన షాట్స్ ఉంటాయి. అయితే ఏమైందో ఏమో తెలియదు కానీ , మధ్యలోనే ఈ సినిమా నుండి ఆమె తప్పుకోవాల్సి వచ్చింది. ఈ విషయం పై ఒక ఇంటర్వ్యూ లో రీసెంట్ గానే అఖిల్ ని ఒక రిపోర్టర్ అడగ్గా , శ్రీలీల మా సినిమాతో పాటు , హిందీ లో సమాంతరంగా రెండు సినిమాల షూటింగ్స్ కి డేట్స్ ఇచ్చింది. ఆ కారణం చేత డేట్స్ క్లాష్ వచ్చి , మాకు షూటింగ్ షెడ్యూల్స్ కొన్ని సందర్భాల్లో క్యాన్సిల్ చేయాల్సి వచ్చింది.
అందుకే ఆమె ఈ చిత్రం నుండి తప్పుకుంది, ఆమె స్థానం లోకి వెంటనే భాగ్యశ్రీ ని తీసుకున్నాం అంటూ అఖిల్ ఈ సందర్భంగా చెప్పుకొచ్చారు. ఇప్పటి వరకు ఈ చిత్రం నుండి విడుదలైన కంటెంట్ మొత్తాన్ని చూస్తుంటే , ఈ చిత్రానికి భాగ్యశ్రీ హీరోయిన్ అయితే తప్ప , ఆ పాత్రకు న్యాయం జరగదు అనేంతలా ఆమె నటించినట్టు అనిపిస్తోంది. తెలుగు అమ్మాయి కాకపోయినా, తెలుగు నేర్చుకొని , ఏకంగా ‘దాన వీర సూర కర్ణ’ చిత్రం లోని పాపులర్ ఎన్టీఆర్ డైలాగ్ ని సైతం ప్రతీ ప్రమోషనల్ ఈవెంట్ లో కొడుతుందంటే , ఆమె డెడికేషన్ ఏ రేంజ్ లో ఉందో అర్థం చేసుకోవచ్చు. అయితే ఈ చిత్రం విజయవంతం అవ్వడం అఖిల్ కి ఎంత ముఖ్యమో , భాగ్యశ్రీ కి కూడా అంతే ముఖ్యం. ఎందుకంటే ఇద్దరికీ కూడా కెరీర్ ప్రరంగా ఒక్క హిట్ కూడా లేదు కాబట్టి.
