Akhil Akkineni: అక్కినేని అఖిల్ రీసెంట్ గానే ‘లెనిన్’ చిత్రం తో తన కెరీర్ లోనే మొట్టమొదటి బ్లాక్ బస్టర్ ని అందుకున్నారు. విడుదలై రెండు వారాలు పూర్తి అయ్యింది , ఇప్పటికీ కూడా ఈ సినిమాకు బాక్స్ ఆఫీస్ వద్ద డీసెంట్ స్థాయి వసూళ్లు నమోదు అవుతున్నాయి. 40 కోట్ల షేర్ మార్కుకి చాలా దగ్గరగా వచ్చింది. వరుస ఫ్లాప్స్ ని ఎగురుకుంటూ , ఒకే ఒక్క హిట్ కొడితే ఈ రేంజ్ వసూళ్లు వచ్చాయంటే , భవిష్యత్తులో అఖిల్ రెండు మూడు హిట్లు కొడితే స్టార్ హీరో రేంజ్ కి ఎదిగిపోతాడు అని అనడంలో ఎలాంటి సందేహం లేదు. అక్కినేని ఫ్యాన్స్ అఖిల్ విజయాన్ని తమ విజయంగా భావించి సంబరాలు చేసుకుంటున్నారు. అభిమానులు ఇంతలా ప్రేమిస్తున్న అఖిల్ మన భారత దేశానికీ చెందిన వాడు కాదు అనే విషయం మీకు ఎవరికైనా తెలుసా.. ?.
ఈ విషయాన్ని మేము చెప్పడం లేదు , స్వయంగా అఖిల్ రీసెంట్ గా జరిగిన ఒక పోడ్ క్యాస్ట్ లో చెప్పుకొచ్చారు. అఖిల్ పుట్టి పెరిగింది అమెరికా లో అనే సంగతి మన అందరికీ తెలిసిందే. అక్కడ కొంతకాలం పెరిగిన తర్వాత ఇండియా కి తిరిగి వచ్చేశాడు. అమెరికా లో పుట్టడం వల్ల , అఖిల్ కి అక్కడ ఆ దేశ పౌరసత్వం లభించింది. ఇప్పటికీ తాను అమెరికన్ సిటిజెన్ గా కొనసాగుతున్నాని అఖిల్ ఈ పోడ్ క్యాస్ట్ లో వివరించారు. ఆశ్చర్యాన్ని కలిగించే విషయం ఏమిటంటే , అఖిల్ కి ఇప్పటి వరకు భారతదేశ పౌరసత్వం లేదట. అంటే టెక్నికల్ గా ఆయన మన ఇండియన్ సిటిజెన్ కాదు. అంత మాత్రానా తాను ఇండియన్ కాకుండా పోనని, తాను నూటికి నూరు శాతం ఇండియన్ ని అని ,టెక్నికల్ గా మన దేశ పౌరుడిగా మారే ప్రక్రియ జరుగుతోందని , త్వరలోనే అమెరికన్ సిటిజెన్ షిప్ ని వదులుకోబోతున్నానని , ఇండియన్ గా మారబోతున్నానని అఖిల్ చెప్పుకొచ్చారు.
అఖిల్ మాట్లాడిన ఈ మాటలు ఇప్పుడు సోషల్ మీడియా లో బాగా వైరల్ అయ్యాయి. ఇలాంటి విషయాలను సాధారణంగా బయటపెట్టడానికి సెలబ్రిటీలు ఇష్టం చూపించరు, బయట పెట్టాల్సిన అవసరం కూడా లేదు , ఎందుకంటే అది పూర్తిగా వాళ్ళ వ్యక్తిగత వ్యవహారం. కానీ అభిమానులకు , ప్రేక్షకులకు ప్రతీ విషయం ఉన్నది ఉన్నట్టుగా చెప్పాలనే ఉద్దేశ్యంతోనే , అఖిల్ ఇలా మాట్లాడాడు, ఆయన చేసిన ఈ పనికి సోషల్ మీడియా లో నెటిజెన్స్ నుండి ప్రశంసల వర్షం కురుస్తోంది.
