Rajamouli-Allu Arjun Combo Film: తెలుగు సినిమా ఇండస్ట్రీ దశ దిశ మార్చిన దర్శకుడు రాజమౌళి మూస ధోరణిలో వెళ్తున్న సినిమా ఇండస్ట్రీ ని కొత్త పుంతలు తొక్కించాడు. అలాగే వరుసగా సక్సస్ లను సాధించి బాక్సాఫీస్ కలెక్షన్స్ ను పెంచాడు. 12 సినిమాలతో బ్లాక్ బస్టర్ సక్సెస్ లను సాధించి తనకంటు సెపరేట్ క్రేజ్ ను సంపాదించుకున్నాడు. ఇండస్ట్రీలో చాలామంది దర్శకులు సక్సెస్ లను సాధించినప్పటికి రాజమౌళికి వచ్చిన గుర్తింపు వేరే ఏ దర్శకుడికి రాలేదు.
పాన్ ఇండియాలో 100% సక్సెస్ రేట్ తో ముందుకు దూసుకెళ్తున్న ఏకైక దర్శకుడు కూడా తనే కావడం విశేషం… ఇక ఇప్పటి వరకు ఆయన తెలుగులో ఉన్న టైర్ వన్ హీరోలతో సినిమాలు చేశాడు. ఒక్క పవన్ కళ్యాణ్, అల్లు అర్జున్ లను మినహాయిస్తే మిగిలిన అందరితో మూవీస్ చేశాడు. ఇక ప్రస్తుతం పవన్ కళ్యాణ్ పాలిటిక్స్ లోకి వెళ్లిపోయాడు.
కాబట్టి అతనితో సినిమా చేయడం చాలా కష్టంతో కూడుకున్న పని కాబట్టి అల్లు అర్జున్ తో ఎలాగైనా సినిమా చేయడానికి రాజమౌళి సన్నాహాలు చేస్తున్నాడు. అలాగే అల్లు అర్జున్ సైతం రాజమౌళి కాంబినేషన్లో సినిమా చేస్తే బాగుంటుందని అతని అభిమానులు కూడా కోరుకుంటున్నారు. అల్లు అర్జున్ సైతం తన ఇమేజ్ పెరగాలి అంటే రాజమౌళి డైరెక్షన్లో సినిమా చేయాల్సిందే అని పట్టు పట్టుకొని కూర్చున్నాడు…
ఇక రాజమౌళి ప్రస్తుతం వారణాసి సినిమా చేస్తున్నాడు. ఈ మూవీ రిలీజ్ అవ్వడానికి మరొక సంవత్సర సమయం పట్టే అవకాశం ఉంది. అల్లు అర్జున్ సైతం ఇప్పుడు అట్లీ డైరెక్షన్లో ‘రాకా’ అనే సినిమా చేస్తున్నాడు. ఈ సినిమా తర్వాత లోకేష్ కనకరాజ్ తో ఒక సినిమా చేస్తున్నాడు. ఈ రెండు సినిమాలు పూర్తి అయిన తర్వాత రాజమౌళితో సినిమా చేసే అవకాశాలు ఉన్నాయంటూ కొంతమంది కామెంట్స్ చేస్తున్నారు. ఇక ఈ విషయం మీద అటు రాజమౌళి, ఇటు అల్లు అర్జున్ ఎలాంటి స్పందనను తెలియజేయలేదు…
