Agnipariksha 2: గత ఏడాది బిగ్ బాస్ సీజన్ ఎంత పెద్ద సెన్సేషనల్ బ్లాక్ బస్టర్ గా నిల్చిందో ప్రత్యేకించి చెప్పనవసరం లేదు. బంధాలు , అనుబంధాలు మధ్య ఒక మంచి ఫ్యామిలీ డ్రామా ని తలపించడం తో , ఈ సీజన్ కి ఫ్యామిలీ ఆడియన్స్ బ్రహ్మరథం పట్టారు. పైగా ‘అగ్నిపరీక్ష’ అనే షో ని నిర్వహించి , ఆ షో ద్వారా సామాన్యులను బిగ్ బాస్ హౌస్ లోకి పంపడం, వారిలో ఒకరు టైటిల్ విన్నర్ గా నిలవడం , మరొకరు టాప్ 3 కంటెస్టెంట్స్ లో ఒకరిగా నిలబడడం వంటివి జరిగాయి. అంతే కాకుండా ఈ షో నుండి బిగ్ బాస్ హౌస్ లోకి అడుగుపెట్టిన మిగిలిన సామాన్యులు కూడా మంచి ప్రభావం చూపించారు. వారిలో దివ్య నిఖిత టీఆర్ఫీ రేటింగ్స్ కంటెంట్ ఏ రేంజ్ లో ఇచ్చిందో అందరికీ తెలిసిందే.
అదే విధంగా దమ్ము శ్రీజ, మాస్క్ మ్యాన్ హరీష్, మర్యాద మనీష్ , ప్రియా వంటి వారు కూడా బ్లాక్ బస్టర్ కంటెంట్ ని అందించారు. ఆ కంటెంట్ కారణంగా ఈ సీజన్ ఎక్కడికో వెళ్లి కూర్చుంది. ‘అగ్నిపరీక్ష’ షో ద్వారా వచ్చిన కంటెస్టెంట్స్ ఆ రేంజ్ ప్రభావం చూపించారు కాబట్టే , ‘అగ్నిపరీక్ష 2’ ని కనీవినీ ఎరుగని రేంజ్ లో ప్లాన్ చేస్తున్నారు బిగ్ బాస్ టీం. గతం లో లాగా కాకుండా , ఈసారి చాలా కొత్తగా ఉండేలా ప్రయత్నం చేస్తున్నారు. గతం లో లాగానే ఈసారి కూడా ముగ్గురు జడ్జీలు ఉంటారు , యాంకర్ గా శ్రీముఖి నే వ్యవహరించబోతుంది. అయితే ఈసారి జడ్జీలతో పాటు మెంటర్స్ కూడా ఉంటారని టాక్. ఆ మెంటర్స్ మరెవరో కాదు , గత అగ్నిపరీక్ష సీజన్ ద్వారా బిగ్ బాస్ షో కి ఎంపికై టైటిల్ విన్నర్ గా నిల్చిన కళ్యాణ్ పడాల, టాప్ 3 గా నిల్చిన డిమోన్ పవన్, షో లో బలమైన ప్రభావం చూపించిన శ్రీజ దమ్ము.
ఈ ముగ్గురు మూడు టీం లీడ్స్ గా వ్యవహరిస్తారట. వీళ్ళ టీమ్స్ లో కొంతమంది కంటెస్టెంట్స్ ఉంటారు. సెలక్షన్ ప్రక్రియ లో ఈ మెంటర్స్ కూడా చాలా కీలక పాత్ర పోషించబోతున్నారు. ఇక జడ్జీలుగా గత సీజన్ లో నవదీప్ , బిందు మాధవి , అభిజీత్ వ్యవహరించిన సంగతి తెలిసిందే. ఈ సీజన్ లో నవదీప్ అందుబాటులో ఉండే అవకాశం లేదట, అదే విధంగా బిందు మాధవి కూడా వచ్చే అవకాశాలు లేవలేని అంటున్నారు. నవదీప్ స్థానం లో శివాజీ, బిందు మాధవి స్థానం లో గీత మాధురి వస్తరారట. అదే విధంగా అభిజీత్ ఈ సీజన్ లో కూడా జడ్జీగా కొనసాగే అవకాశం ఉందని అంటున్నారు. ఈ సీజన్ కి సంబంధించిన అగ్నిపరీక్ష ప్రోమో షూటింగ్ కూడా అయిపోయిందట. ఈ నెల 7 న విడుదల ఈ ప్రోమో ని విడుదల చేసే అవకాశాలు ఉన్నాయి.
