Adarsha Kutumbam: త్రివిక్రమ్ దర్శకత్వంలో వెంకటేష్ హీరోగా వస్తున్న ‘ఆదర్శ కుటుంబం’ సినిమా ఫ్యామిలీ ఎంటర్ టైనర్ గా తెరకెక్కుతుందని చాలామంది అనుకుంటున్నారు. ఈ సినిమాలో ఫ్యామిలీతో పాటు యాక్షన్ ఓరియెంటెడ్ సన్నివేశాలకు కూడా చాలా వరకు ప్రాముఖ్యత ఉందట. ఇక ఈ సినిమాలో వైలెన్స్ సైతం విపరీతంగా ఉండబోతుందని చాలామంది కామెంట్స్ చేస్తున్నారు. నిజానికి ఈ సినిమాతో త్రివిక్రమ్ మరోసారి టాప్ డైరెక్టర్ గా మారాలనే ప్రయత్నం చేస్తున్నాడు. గతంలో చేసిన ‘గుంటూరు కారం’ సినిమా ఆశించిన మేరకు విజయాన్ని సాధించకపోవడంతో మార్కెట్ భారీగా పడిపోయింది. ఇక ఆ తర్వాత ఎన్టీఆర్ తో చేయబోయే సినిమా మీద భారీ బజ్ క్రియేట్ అవ్వాలంటే మాత్రం ఈ సినిమాతో సక్సెస్ ని సాధించాల్సిన అవసరమైతే ఉందని ఆయన భావిస్తున్నారట.
ఇక ఇది ఏమైనా కూడా ఈ సినిమాలో వెంకటేష్ తో కత్తి పట్టించబోతున్నట్టుగా తెలుస్తుంది. ఫ్యామిలీ ఆడియన్స్ ని అట్రాక్ట్ చేయడానికి కామెడీ చేయిస్తూనే వెంకటేష్ చేత భారీ యాక్షన్ సన్నివేశాలను తెరకెక్కిస్తున్నారట. ఇక ఏది ఏమైనా కూడా వెంకటేష్ ఈ సినిమాతో మరోసారి తన స్టామినా ఏంటో చూపించబోతున్నాడనే వార్తలైతే వస్తున్నాయి.
గత సంవత్సరం ‘సంక్రాంతికి వస్తున్నాం’ సినిమాతో 400 కోట్ల కలెక్షన్స్ ని కొల్లగొట్టిన ఆయన ఇప్పుడు ఈ సినిమాలో అంతకుమించిన కలెక్షన్స్ రాబట్టడానికి తీవ్రమైన ప్రయత్నం చేస్తున్నాడు…ఇక ఈ సినిమా ఎప్పుడు రిలీజ్ అవుతుందనే దానిమీద సరైన క్లారిటీ లేదు. కానీ మొత్తానికైతే ఈ సినిమాని చూడడానికి అటు వెంకటేష్ అభిమానులు ఫ్యాన్స్ సైతం ఆసక్తిగా ఎదురుచూస్తున్నారు.
ఇక త్రివిక్రమ్ సైతం ఈ సినిమాని వీలైనంత తొందరగా ఫినిష్ చేసి రిలీజ్ చేయడానికి సన్నాహాలు చేసుకుంటున్నాడు… ఇక ఇంతకుముందు చేసిన సినిమాలు ఒకెత్తయితే ఇప్పుడు ఈ సినిమా మరొక ఎత్తుగా మారబోతుంది. ఆయన నుంచి వచ్చిన ప్రతి సినిమాలో ఏదో ఒక కొత్త పాయింట్ ను చూపించడానికి ప్రయత్నం చేస్తూనే వస్తున్నాడు. ఈ సినిమాలో సైతం అలాంటివే చూపించడానికి ప్రయత్నిస్తున్నాడట…
