Bigg Boss 6 Telugu Baladitya: తెలుగు బుల్లితెరపై బిగ్గెస్ట్ రియాలిటీ షో ‘బిగ్ బాస్’ లాంచ్ అయ్యింది. కింగ్ నాగార్జున చేతుల మీదుగా 6వ సీజన్ ఘనంగా ప్రారంభమైంది. ఓ పేకమీడల మధ్యలో నాగార్జునను నిలబెట్టి.. బిగ్ బాస్ థీమ్ ను ప్రజెంట్ చేస్తూ షోను మొదలుపెట్టారు. బ్యాక్ గ్రౌండ్ లో కమలాసన్ ‘విక్రమ్’ మూవీ మ్యూజిక్ వస్తుండగా.. విదేశీ సుందరాంగుల మధ్యలో నుంచి నాగార్జున బయటకొచ్చి ‘బంగార్రాజు’ పాటకు స్టెప్పులేసి బిగ్ బాస్ 6ను లాంచ్ చేశారు.
పోయిన సారి సెట్ కంటే ఈసారి కాస్తా కలర్ ఫుల్ గా బిగ్ బాస్ హౌస్, సెట్ వేశారు. ఎంటర్ టైన్ మెంట్ కు అడ్డా 6, ఎంటర్ టైన్ మెంట్ కు అడ్డా ఫిక్స్ అంటూ నాగార్జున మొదట బిగ్ బాస్ ఇంటిని వెరైటీగా చూపించారు. ఈసారి బిగ్ బాస్ హౌస్ ను ఒక పాట రూపంలో వినూత్నంగా ఆవిష్కరించారు. హౌస్ మాత్రం ఎంతో అందంగా ముస్తాబు చేశారు. డైనింగ్ హాల్, స్విమ్మింగ్ ఫూల్, గార్డెన్ ఏరియా సహా అన్నింటిని కలవ్ ఫుల్ గా డిజైన్ చేశారు. చూస్తుంటేనే ఆహ్లాదకరంగా ఇది ఉంది. ఈసారి ఎంటర్ టైన్ మెంట్ అదిరిపోయేలా కనిపిస్తోంది.
బిగ్ బాస్ హౌస్ లోకి తొలి కంటెస్టెంట్ గా సీరియల్ యాక్టర్ ‘కీర్తి’ అడుగుపెట్టింది. ఇక సెకండ్ కంటెస్టెంట్ గా నువ్వు నాకు నచ్చావ్ లో హీరోయిన్ ఆర్తి అగర్వాల్ చెల్లెలుగా నటించిన ‘పింకి’ ఎంట్రీ ఇచ్చింది. ఈమె అసలు పేరు సుదీప. ఇక మూడో కంటెస్టెంట్ గా యూట్యూబర్ ‘శ్రీహాన్’ ఎంట్రీ ఇచ్చాడు. నాలుగో కంటెస్టెంట్ గా నేహా అడుగుపెట్టింది. ఇక ఐదో కంటెస్టెంట్ గా జబర్ధస్త్ కమెడియన్ చలాకీ చంటీ ఎంట్రీ ఇచ్చాడు. 6వ కంటెస్టెంట్ గా సింగర్, మోడల్ శ్రీ సత్య ఎంట్రీ ఇచ్చింది. 7వ కంటెస్టెంట్ గా అర్జున్ కళ్యాణ్ ఎంట్రీ ఇచ్చారు. 8వ కంటెస్టెంట్ చిత్తూరు జిల్లాకు చెందిన యూట్యూబర్ గీతూ ఎంట్రీ ఇచ్చింది. ఈమెను లేడీ ‘పుష్ప’గా పిలుస్తుంటారు.ఈమె చిత్తూరు యాసలో ఇరగదీస్తుంటుంది. 9వ కంటెస్టెంట్ గా ఐటెం బాంబ్, నటి అభినయశ్రీ ఎంట్రీ ఇచ్చింది. 10వ కంటెస్టెంట్లుగా సీరియల్స్ లో పాపులర్ అయిన జోడీ రోహిత్-మెరినీ ప్రవేశించారు.
బిగ్ బాస్ హౌస్ లోకి 11వ ఆర్టిస్ట్ గా ఒకప్పుడు బాల నటుడు.. ఇప్పుడు నటుడు అయిన ‘బాలాదిత్య’ ఎంట్రీ ఇచ్చాడు. గతంలో సినిమాల్లో బాలాదిత్య బాలనటుడిగా ఎన్నో సినిమాలు చేశాడు. ఇప్పుడు క్యారెక్టర్ ఆర్టిస్ట్ గా నటిస్తున్నాడు. పలు సీరియల్స్ లోనూ కనిపిస్తున్నాడు. చార్టెడ్ అకౌంటింగ్ గానూ చేస్తున్నట్టు తెలిపాడు.
నాగార్జునతో ‘హలోబ్రదర్’ సినిమాలో కూడా బాలనటుడిగా బాలాదిత్య నటించాడు.హౌస్ లోకి వెళ్లేముందు ఒక కార్డ్ తీయగా బాలాదిత్యకు ‘నక్క’ బొమ్మ వచ్చింది. దాని గురించి హౌస్ లోకి వెళ్లాక చెబుతానన్న నాగార్జున అతడికి ఇటీవలే జన్మించిన కూతురు ఫొటోను ఇచ్చి ఇంటిలోకి పంపించాడు.
