యాంకర్ గా ప్రదీప్ కు మంచి డిమాండ్ ఉంది అనుకున్నాం కానీ, హీరోగా కూడా మంచి మార్కెట్ ఉందా అంటూ నిర్మాతలు కూడా ఆశ్చర్యపోయారు. మొత్తానికి సినిమా ఎలా ఉన్నా.. ఈ సినిమా ప్రదీప్ కి మాత్రం హీరోగా మంచి బూస్ట్‌ ఇచ్చింది. ఇక ఈ సినిమా కోసం డిజిటల్ ప్రేక్షకులు ఎప్పటి నుండో ఆసక్తిగా ఎదురుచూస్తున్నారు. అయితే, తాజాగా ఈ సినిమా ఓటీటీలో వచ్చేసింది.
ప్రముఖ డిజిటల్ ప్లాట్‌ ఫామ్‌ అమెజాన్ ప్రైమ్ వీడియోలో ఈ ’30 రోజుల్లో ప్రేమించడం ఎలా?’ సినిమా ప్రస్తుతం స్ట్రీమింగ్‌ అవుతోంది. అయితే సినిమా పెట్టిన పది నిమిషాల్లోనే ఈ సినిమాని వీక్షించే ప్రేక్షకులు నిమిషాలు గడిచే కొద్దీ పెరుగుతూ పోతూ ఉన్నారట. మొత్తానికి థియేటర్లలో ఈ సినిమా చూడటం మిస్‌ అయినవాళ్లు అంతా, ఇప్పుడు అమెజాన్ ప్రైమ్ లో ఈ సినిమాని చూస్తునట్టు ఉన్నారు.
ఇక ప్రదీప్ హీరోగా ప‌రిచ‌యం అయిన ఈ సినిమా కోసం ఎక్కువ మొత్తంలోనే రెమ్యూనరేషన్ ను తీసుకున్నాడు. ఈ సినిమాగానూ రూ. 30 లక్షలతో పాటు డిజిటల్ రైట్స్ లో ముప్పై శాతం వాటా కూడా తన రెమ్యునరేషన్ కింద తీసుకున్నాడని.. ఇప్పుడు ఓటీటీ ఇచ్చే మొత్తంలో దాదాపు ముప్పై శాతం ఎమౌంట్ ప్రదీప్ కి ఇవ్వనున్నారని తెలుస్తోంది.
