Ketan Agarwal: పూణే స్థిరాస్తి వ్యాపారి కేతన్ అగర్వాల్ ఇటీవల కోటపైనుంచి కింద పడి చనిపోయాడు. అయితే అతడిది సహజమరణం కాదు.. దీని వెనక అతనికి కాబోయే భార్య సియా హస్తముంది. సియా చేతన్ అనే వ్యక్తి ప్రేమలో ఉంది. కేతన్ ను చేసుకోవడం సియాకు ఏమాత్రం ఇష్టం లేదు. పైగా అతడు విగ్గు ధరిస్తాడు. అందువల్లే సియా అతడిని హతమార్చింది. గతంలో రెండుసార్లు అతడిని హతమార్చడానికి ప్రయత్నించినప్పటికీ.. ఆ రెండు ప్రయత్నాలు విఫలమయ్యాయి.
కేతన్ చనిపోయిన తర్వాత.. అతడి కుటుంబ సభ్యులకు అనేక అనుమానాలు కలిగాయి. దీంతో వారు పోలీసులకు ఫిర్యాదు చేయడంతో.. కేతన్ మరణం వెనక అతడికి కాబోయే భార్య సియా.. ఆమె ప్రియుడు చేతన్ హస్తమున్నట్టు తేలింది. అంతేకాదు ఈ హత్య వెనక.. అనేక రకాల విషయాలు వెలుగులోకి వస్తున్నాయి.. చేతన్, సియా చాలాకాలం నుంచి ప్రేమలో ఉన్నారు. కేతన్ తో వివాహం సియాకు ఇష్టం లేదు. కుటుంబ సభ్యులు బలవంతంగా పెళ్లి చేయడానికి ప్రయత్నించడంతో.. అతడి అడ్డు తొలగించుకోవడానికి ఆమె ఈ దారుణానికి పాల్పడింది. దీనికి తోడు ఆమె ప్రియుడు చేతన్ ఒత్తిడి తీసుకురావడంతో.. సియాకు మరో గత్యంతరం లేకుండా పోయింది.
సియా తల్లిదండ్రులు మాత్రం తమ కూతురు అలాంటిది కాదని చెబుతున్నారు. ఆమెకు ఇష్టం ఉండే ఈ పెళ్లి నిర్ణయించామని.. పెళ్లి చేసుకోవడం తనకు అంగీకారమేనని వారు వివరించారు. తమ కూతురు ఇలాంటి పని చేసిందంటే నమ్మలేకపోతున్నామని వారు చెబుతున్నారు. ఒకవేళ తమ కూతురు ఇలాంటి పనిచేసే ఉంటే కఠినంగా శిక్షించాలని వారు కోరుతున్నారు. ఒకవేళ అదే కోట మీద నుంచి ఆమెను కిందకు తోసి చంపేయాలని చెబుతున్నారు.
పోలీసులు సియా తమ్ముడుని అదుపులోకి తీసుకున్నారు. అతడిని 10 గంటల పాటు విచారించారు. సియా సోదరుడు సాహిల్ చెప్పిన విషయాలు మరింత ఆసక్తికరంగా ఉన్నాయి. చేతన్ అనేవాడు ఒక క్రికెటర్. అతడు ఆడియో మ్యాచ్లకు సియా వెళ్ళేది. ఈ విషయం ఇంట్లో తెలియకుండా జాగ్రత్తపడేది. ఫోన్ కూడా అత్యంత రహస్యంగా మాట్లాడేది. ఇంట్లో చేతన్ ప్రస్తావన అసలు తెచ్చేది కాదు. ఒకసారి సాహిల్ క్రికెట్ మ్యాచ్ చూసేందుకు గ్రౌండ్ కు వెళ్తే.. అక్కడ సియా కనిపించింది. అంతేకాదు చేతన్ తో అత్యంత చనువుగా ఉంది. ఆ తర్వాత అనేక సందర్భాల్లో సాహిల్ వారిద్దరిని చూశాడు. కాకపోతే ఈ విషయాన్ని కుటుంబ సభ్యులతో చెప్పలేదు.. క్రికెట్ మ్యాచ్లకు హాజరు కావడం ద్వారా చేతన్ తో సియా సాన్నిహిత్యం పెంచుకుంది. ఈ విషయాన్ని ఇంట్లో చెప్పలేదు. కేతన్ తో పెళ్లికి నో చెప్పలేదు. అయితే అతడిని అడ్డు తొలగించుకొని.. చేతన్ ను పెళ్లి చేసుకోవాలని సియా అనుకుంది. చివరికి ఇలా దొరికిపోయింది.
