2018 Movie Collections: 3వ రోజు మొదటి రోజుకంటే రెండింతల వసూళ్లు.. చరిత్ర తిరగరాస్తున్న ‘2018’ మూవీ

2018 Movie Collections: ఇటీవల కాలం లో బాక్స్ ఆఫీస్ ని ఒక ఊపు ఊపేసిన చిత్రం ‘2018’. ఒక మలయాళీ సినిమా ఈ రేంజ్ వసూళ్లను రాబట్టగలదా, అది కూడా బాహుబలి కలెక్షన్స్ ని బీట్ చేస్తూ అని ట్రేడ్ పండితులు సైతం నోరెళ్లబెట్టేలా చేసిన చిత్రం ఇది. ఇప్పటి వరకు కేవలం మలయాళం వెర్షన్ కి కలిపి ఈ చిత్రం 165 కోట్ల రూపాయిల గ్రాస్ ని వసూలు చేసింది. కేరళ రాష్ట్రంలో లో అయితే ఏకంగా 58 కోట్ల రూపాయిల గ్రాస్ ని రాబట్టింది.

ఇప్పటి వరకు విడుదలైన మలయాళం సినిమాలలో మోహన్ లాల్ హీరో గా నటించిన ‘పులి మురుగన్’ అనే చిత్రమే టాప్ లో ఉండేది.సుమారుగా వందకోట్ల రూపాయలకు పైగా గ్రాస్ వసూళ్లను రాబట్టిన ఈ సినిమా వసూళ్లను బాహుబలి 2 సైతం అందుకోలేకపోయింది. అలాంటిది తొనివో థామస్ అనే యంగ్ హీరో ‘పులి మురుగన్’ చిత్రాన్ని 65 కోట్ల రూపాయిల మార్జిన్ తో క్రాస్ చేసి, ఇప్పటికీ అద్భుతమైన వసూళ్లతో ముందుకు దూసుకుపోతుంది.

రీసెంట్ గానే ఈ బ్లాక్ బస్టర్ చిత్రాన్ని తెలుగు లో కూడా దబ్ చేసి రిలీజ్ చేసారు. సోషల్ మీడియా కారణం గా మొదటి నుండి ఈ చిత్రానికి ఆడియన్స్ లో మంచి పాజిటివ్ టాక్ ఉంది. థియేటర్స్ లోకి వచ్చిన తర్వాత ఆ పాజిటివ్ రెస్పాన్స్ మూడింతలు అయ్యింది, అందుకు తగ్గట్టుగానే కలెక్షన్స్ కూడా వస్తున్నాయి. మొదటి రోజు ఈ చిత్రానికి రెండు తెలుగు రాష్ట్రాలకు కలిపి కోటి 20 లక్షల రూపాయిల గ్రాస్ వసూళ్లు వచ్చాయి.

ఇక రెండవ రోజు అయితే మొదటి రోజు కంటే ఎక్కువగా కోటి 78 లక్షల రూపాయిల గ్రాస్ వసూళ్లు వచ్చాయి. మూడవ రోజు ఆదివారం అవ్వడం, దానికి తోడు పాజిటివ్ టాక్ ఒక రేంజ్ లో ఉండడం తో ఈ చిత్రానికి మొదటి రోజుకంటే డబుల్ వసూళ్లు, అనగా రెండు కోట్ల రూపాయిల గ్రాస్ మరియు కోటి రూపాయిల షేర్ వసూళ్లు వచ్చాయట. అలా మూడు రోజులకు కలిపి రెండు కోట్ల 20 లక్షల రూపాయిల షేర్ మార్కుని అందుకున్న ఈ చిత్రం, బ్రేక్ ఈవెన్ ని కూడా దాటేసింది.