యూనిక్ ఐడెంటిఫికేషన్ అథారిటీ ఆఫ్ ఇండియా నిరుద్యోగులకు తీపికబురు అందించింది. ఆధార్ కార్డు సేవలను అందిస్తున్న ఈ సంస్థ వేర్వేరు విభాగాల్లో ఖాళీగా ఉన్న 25 ఉద్యోగ ఖాళీల భర్తీ కొరకు నిరుద్యోగుల నుంచి దరఖాస్తులను కోరుతోంది. ఎవరైతే ఈ ఉద్యోగాలకు ఎంపికవుతారో వాళ్లు బెంగళూరు, ముంబై, గువాహతిలోని ప్రాంతీయ కార్యాలయాల్లో విధులు నిర్వహించాల్సి ఉంటుందని తెలుస్తోంది.
యూఐడీఏఐ ప్రైవేట్ సెక్రెటరీ, అసిస్టెంట్ సెక్షన్ ఆఫీసర్, సెక్షన్ ఆఫీసర్, అకౌంటెంట్ ఉద్యోగ ఖాళీల కోసం ఈ నోటిఫికేషన్ ను రిలీజ్ చేసింది. డిప్యూటేషన్ ద్వారా ఈ పోస్టుల భర్తీ జరగనుండగా ఈ ఉద్యోగాలకు ఎంపికైన వాళ్లు మూడు సంవత్సరాలు పని చేయాల్సి ఉంటుంది. ప్రస్తుతం ఈ ఉద్యోగ ఖాళీల కోసం దరఖాస్తు ప్రక్రియ జరుగుతోంది. యూఐడీఏఐ అవసరాలను బట్టి ఐదేళ్ల వరకు పొడిగించే అవకాశం ఉంది.
ఈ ఉద్యోగాలకు దరఖాస్తు చేసుకోవడానికి జులై 16వ తేదీ చివరితేదీగా ఉండటం గమనార్హం. ఆధార్ అధికారిక వెబ్సైట్ https://uidai.gov.in ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలుసుకునే అవకాశం ఉంటుందని సమాచారం. మొత్తం 25 ఖాళీలలో డిప్యూటీ డైరెక్టర్- 3, సెక్షన్ ఆఫీసర్- 5, అసిస్టెంట్ సెక్షన్ ఆఫీసర్- 5, సీనియర్ అకౌంట్ ఆఫీసర్- 1, అసిస్టెంట్ అకౌంట్ ఆఫీసర్- 1, అకౌంటెంట్- 2, ప్రైవేట్ సెక్రెటరీ- 6, స్టెనో- 2 ఖాళీలు ఉన్నాయి.
ఆఫ్ లైన్ పద్ధతిలో ఈ ఉద్యోగాలకు దరఖాస్తు చేసుకోవాల్సి ఉంటుంది. బెంగళూరులోని అడ్రస్ కు ఈ ఉద్యోగ ఖాళీల కొరకు దరఖాస్తులను పంపాల్సి ఉంటుందని తెలుస్తోంది. యూనిక్ ఐడెంటిఫికేషన్ అథారిటీ ఆఫ్ ఇండియా, రీజనల్ ఆఫీస్, 3వ ఫ్లోర్, సౌత్ వింగ్, ఖనిజ భవన్, నెంబర్ 49, రేస్ కోర్స్ రోడ్, బెంగళూరు-560001 అడ్రస్ కు దరఖాస్తులను పంపాల్సి ఉంటుంది.
