పదో తరగతి చదువుతో కేంద్ర ప్రభుత్వ ఉద్యోగం సాధించాలని భావించే వాళ్ల కొరకు గ్రామీణ డాక్ సేవక్ ఉద్యోగాల భర్తీ కోసం నోటిఫికేషన్ విడుదలైంది. పదో తరగతిలో మంచి మార్కులు సాధించిన వాళ్లు రాత పరీక్ష రాయకుండానే సులభంగా ఈ ఉద్యోగాలకు ఎంపిక కావచ్చు. ఏపీ తెలంగాణ రాష్ట్రాల్లో 3,446 గ్రామీణ్ డాక్ సేవక్ ఉద్యోగాల భర్తీ కోసం నోటిఫికేషన్ విడుదలైంది.
Also Read: 2021 సంవత్సరంలో ఎక్కువ డిమాండ్ ఉన్న ఉద్యోగాలివే..?
మొత్తం 3,446 ఉద్యోగాలలో ఏపీలో 2,296 తెలంగాణలో 1,150 ఉద్యోగ ఖాళీలు ఉన్నాయి. అర్హత, ఆసక్తి ఉన్న అభ్యర్థులు ఆన్ లైన్ లో ఈ ఉద్యోగాల కొరకు సులువుగా దరఖాస్తు చేసుకోవచ్చు. https://appost.in/ వెబ్ సైట్ ద్వారా ఈ ఉద్యోగాలకు సంబంధించిన పూర్తి వివరాలను తెలుసుకోవచ్చు. ఇప్పటికే ఈ ఉద్యోగాలకు దరఖాస్తు ప్రక్రియ ప్రారంభం కాగా ఆసక్తి ఉన్న అభ్యర్థులు ఫిబ్రవరి 26వ తేదీలోగా ఈ ఉద్యోగాల కొరకు దరఖాస్తు చేసుకోవచ్చు.
Also Read: సీడాక్ సంస్థలో పరీక్ష లేకుండా ఉద్యోగాలు.. అర్హులు ఎవరంటే..?
ఈ నోటిఫికేషన్ ద్వారా బ్రాంచ్ పోస్టు మాస్ట‌ర్ (బీపీఎం), అసిస్టెంట్ బ్రాంచ్ పోస్టు మాస్ట‌ర్ (ఏబీపీఎం), డాక్ సేవక్ ఉద్యోగ ఖాళీల భర్తీ జరుగుతోంది. ఈ ఉద్యోగాలకు ఎంపికైన వారికి 10,000 రూపాయల నుంచి 14,500 రూపాయల మధ్య వేతనం లభిస్తుంది. 2021 సంవత్సరం జనవరి 27 నాటికి 18 సంవత్సరాల నుంచి 40 సంవత్సరాల మధ్య వయస్సు ఉన్నవాళ్లు ఈ ఉద్యోగాల కొరకు దరఖాస్తు చేసుకోవచ్చు.
మరిన్ని వార్తలు కోసం: విద్య / ఉద్యోగాలు
ఉన్న‌త విద్యార్హ‌త‌లు ఉన్నవాళ్లు ఈ ఉద్యోగాల కొరకు దరఖాస్తు చేసుకున్నా వారికి అదనపు అర్హతలు లభించవు. ఓసీ, బీసీ, ఈడ‌బ్ల్యూఎస్ పురుష అభ్యర్థులు 100 రూపాయలు దరఖాస్తు ఫీజుగా చెల్లించాల్సి ఉంటుంది. పదో తరగతి మార్కుల ఆధారంగా ఈ ఉద్యోగాలకు తుది ఎంపిక ఉంటుంది.
