మహిళలకు శుభవార్త.. భారీ వేతనంతో ఎన్టీపీసీలో ఉద్యోగాలు..?

నేషన‌ల్ థ‌ర్మ‌ల్ ప‌వ‌ర్ కార్పొరేష‌న్ లిమిటెడ్ మహిళా నిరుద్యోగులకు శుభవార్త చెప్పింది. 50 ఇంజినీరింగ్ ఎగ్జిక్యూటివ్ ట్రైనీ ఉద్యోగ ఖాళీల భర్తీ కొరకు నోటిఫికేషన్ ను విడుదల చేసింది. అర్హత, ఆసక్తి ఉన్న అభ్యర్థులు ఈ ఉద్యోగాల కొరకు దరఖాస్తు చేసుకోవచ్చు. ఆన్ లైన్ లో మాత్రమే ఈ ఉద్యోగాలకు దరఖాస్తు చేసుకోవాల్సి ఉండగా మే 6వ తేదీ ఈ ఉద్యోగాలకు దరఖాస్తు చేసుకోవడానికి చివరి తేదీగా ఉంది.

మెకానిక‌ల్‌, ఎల‌క్ట్రిక‌ల్‌, ఎల‌క్ట్రానిక్స్‌, ఇన్‌స్ట్రుమెంటేష‌న్ విభాగాలలో ఉద్యోగ ఖాళీలు ఉండగా గేట్‌-2021 స్కోర్ ఆధారంగా ఈ ఉద్యోగాలను భర్తీ చేయడం జరుగుతుంది. మొత్తం 50 ఉద్యోగ ఖాళీలలో ఎల‌క్ట్రిక‌ల్ ఉద్యోగ ఖాళీలు 22 ఉండగా మెకానిక‌ల్ ఉద్యోగ ఖాళీలు 14, ఎల‌క్ట్రానిక్స్‌, ఇన్‌స్ట్రుమెంటేష‌న్ ఉద్యోగ ఖాళీలు 14 ఉన్నాయి. సంబంధిత విభాగంలో బీఈ లేదా బీటెక్ పాసైన వాళ్లు ఈ ఉద్యోగాల కొరకు దరఖాస్తు చేసుకోవచ్చు.

27 సంవత్సరాల లోపు వయస్సు ఉన్నవాళ్లు మాత్రమే ఈ ఉద్యోగాలకు దరఖాస్తు చేయడానికి అర్హులు. గేట్ 2021 మార్కుల ఆధారంగా ఈ ఉద్యోగాలకు ఎంపిక ప్రక్రియ జరుగుతుంది. ఏప్రిల్ 16వ తేదీ నుంచి ఈ ఉద్యోగాలకు దరఖాస్తు ప్రక్రియ ప్రారంభమైంది. https://ntpccareers.net/ వెబ్ సైట్ ద్వారా ఈ ఉద్యోగాల కోసం దరఖాస్తు చేసుకోవచ్చు. ఉద్యోగాలకు సంబంధించి సందేహాలు ఉంటే నోటిఫికేషన్ ద్వారా నివృత్తి చేసుకోవచ్చు.

గేట్‌-2021లో మంచి స్కోర్ సాధించిన మహిళా అభ్యర్థులకు ఈ నోటిఫికేషన్ ద్వారా ప్రయోజనం చేకూరుతుందని చెప్పవచ్చు. నేషన‌ల్ థ‌ర్మ‌ల్ ప‌వ‌ర్ కార్పొరేష‌న్ లిమిటెడ్ నిరుద్యోగులకు ప్రయోజనం చేకూరేలా వరుసగా నోటిఫికేషన్లను విడుదల చేస్తుండటం గమనార్హం.