Indian Overseas Bank Jobs : ఇండియన్ ఓవర్సీస్ బ్యాంక్ తమిళనాడు, ఒడిశా, మహారాష్ట్ర, గుజరాత్, పశ్చిమ బెంగాల్, పంజాబ్ రాష్ట్రాల్లో 400 లోకల్ బ్యాంక్ ఆఫీసర్ పోస్టులను భర్తీ చేస్తోంది. ఈ పోస్టులు JMG –I కేటగిరీలో ఉంటాయి, అభ్యర్థులు దరఖాస్తు చేసిన రాష్ట్రంలోనే మొదటి 12 సంవత్సరాలు లేదా MGS-IV కి పదోన్నతి పొందే వరకు పనిచేయాలి. ఈ ఉద్యోగం బ్యాంకింగ్ రంగంలో పని చేయాలనే ఆసక్తి ఉన్న యువ గ్రాడ్యుయేట్లకు అద్భుతమైన అవకాశం.
Also Read : పదేళ్లలో కనుమరుగు కాబోతున్న ఓ తరం.. భవిష్యత్తు సవాళ్ల మయం
అర్హత ప్రమాణాలు
ఈ ఉద్యోగాలకు అర్హత కలిగిన అభ్యర్థులు కింది ప్రమాణాలను తీర్చాలి:
విద్యార్హత: భారత ప్రభుత్వం గుర్తించిన యూనివర్సిటీ నుంచి ఏదైనా డిసిప్లిన్లో బ్యాచిలర్ డిగ్రీ. దరఖాస్తు సమయంలో మార్క్షీట్ లేదా డిగ్రీ సర్టిఫికేట్ అందుబాటులో ఉండాలి.
వయోపరిమితి: 01 మే 2025 నాటికి 20 నుంచి 30 సంవత్సరాల మధ్య (02.05.1995 నుంచి 01.05.2005 మధ్య జన్మించినవారు). SC/ST ఖీకి 5 సంవత్సరాలు, OBC (నాన్–క్రీమీ లేయర్)కి 3 సంవత్సరాలు,PwBD 10 సంవత్సరాలు, ఎక్స్–సర్వీస్మెన్కు 5 సంవత్సరాలు వయో సడలింపు ఉంటుంది.
భాషా నైపుణ్యం: అభ్యర్థులు దరఖాస్తు చేసిన రాష్ట్ర ఆఫీషియల్ భాషలో (చదవడం, రాయడం, మాట్లాడడం) నైపుణ్యం కలిగి ఉండాలి. 10వ లేదా 12వ తరగతిలో సంబంధిత భాష చదివినట్లు మార్క్షీట్ చూపిస్తే లాంగ్వేజ్ ప్రొఫిషియెన్సీ టెస్ట్ (LPT) నుంచి మినహాయింపు లభిస్తుంది.
ఇతర షరతులు: అభ్యర్థులు కనీసం 650 ఇఐఆఐఔ స్కోర్తో ఆరోగ్యకరమైన క్రెడిట్ హిస్టరీని కలిగి ఉండాలి.
జీతం – ప్రయోజనాలు
ఎంపికైన అభ్యర్థులకు ఆకర్షణీయమైన జీతం, ప్రయోజనాలు లభిస్తాయి:
జీతం స్కేల్: రూ.48,480 – 2000/7 – 62,480 – 2340/2 – 67,160 – 2680/7 – 85,920.
అదనపు ప్రయోజనాలు: డియర్నెస్ అలవెన్స్ (DA), హౌస్ రెంట్ అలవెన్స్ (HRA), సిటీ కాంపెన్సేటరీ అలవెన్స్ (CCA), లీవ్ ఫేర్ కన్సెషన్, మెడికల్ ఎయిడ్, హాస్పిటలైజేషన్ బెనిఫిట్స్, రిటైర్మెంట్ బెనిఫిట్స్ వంటివి బ్యాంక్ నిబంధనల ప్రకారం అందుబాటులో ఉంటాయి.
ప్రొబేషన్: 2 సంవత్సరాలు.
బాండ్: ఎంపికైన అభ్యర్థులు కనీసం 3 సంవత్సరాలు సేవ చేయడానికి రూ.2,00,000 విలువైన ఫైనాన్షియల్ సర్వీస్ ఇన్డెమ్నిటీ బాండ్పై సంతకం చేయాలి.
ఎంపిక ప్రక్రియ
LBO ఎంపిక ప్రక్రియ మూడు దశలను కలిగి ఉంటుంది:
ఆన్లైన్ పరీక్ష: 3 గంటల వ్యవధిలో 140 ఆబ్జెక్టివ్ ప్రశ్నలతో నాలుగు సెక్షన్లు (రీజనింగ్ – కంప్యూటర్ ఆప్టిట్యూడ్, జనరల్/ఎకానమీ/బ్యాంకింగ్ అవేర్నెస్, డేటా అనాలిసిస్ – ఇంటర్ప్రెటేషన్, ఇంగ్లిష్ నాలెడ్జ్). ప్రతి తప్పు జవాబుకు 0.25 మార్కులు తగ్గిస్తారు. కనీస అర్హత మార్కులు: రిజర్వ్డ్ కేటగిరీలకు 30%, అన్రిజర్వ్డ్కు 35%.
లాంగ్వేజ్ ప్రొఫిషియెన్సీ టెస్ట్ (LPT): రాష్ట్ర ఆఫీషియల్ భాషలో నైపుణ్యాన్ని పరీక్షిస్తారు. 10వ/12వ తరగతి మార్క్షీట్లో భాష ఉంటే ఈ టెస్ట్ నుంచి మినహాయింపు.
పర్సనల్ ఇంటర్వ్యూ: ఆన్లైన్ పరీక్ష, LPT అర్హత సాధించినవారిని ఇంటర్వ్యూకు పిలుస్తారు. ఫైనల్ మెరిట్ లిస్ట్ ఆన్లైన్ పరీక్ష (80%) మరియు ఇంటర్వ్యూ (20%) స్కోర్ల ఆధారంగా తయారవుతుంది.
దరఖాస్తు విధానం
అభ్యర్థులు ఆన్లైన్లో మాత్రమే దరఖాస్తు చేయాలి:
వెబ్సైట్: www.iob.in లోని “Careers” సెక్షన్లో “Recruitment of Local Bank 2025–26‘ లింక్పై క్లిక్ చేయండి.
దరఖాస్తు తేదీలు: మే 12, 2025 నుంచి మే 31, 2025 వరకు.
ఫీజు: జనరల్/EWS/B\OBC కి రూ.850 (ఎ ఖీతో సహా), SC/ST/PwBD కి రూ.175. ఆన్లైన్ మోడ్లో డెబిట్ కార్డ్, క్రెడిట్ కార్డ్, నెట్ బ్యాంకింగ్,UPIద్వారా చెల్లించాలి.
అవసరమైన డాక్యుమెంట్లు: ఫొటో, సంతకం, ఎడమ చేతి బొటనవేలు ముద్ర, హ్యాండ్రిట్టెన్ డిక్లరేషన్ (అనెక్సర్ ఐలో పేర్కొన్న స్పెసిఫికేషన్స్ ప్రకారం), డిగ్రీ మార్క్షీట్, జన్మతేదీ రుజువు, భాషా నైపుణ్యం రుజువు (ఉన్నట్లయితే).
రాష్ట్రాల వారీగా ఖాళీలు
ఈ 400 ఖాళీలు కింది రాష్ట్రాల్లో పంపిణీ చేయబడ్డాయి:
తమిళనాడు: 260
మహారాష్ట్ర: 45
పశ్చిమ బెంగాల్: 34
గుజరాత్: 30
పంజాబ్: 21
ఒడిశా: 10
అభ్యర్థులు రాష్ట్రం, కేటగిరీ వారీగా ఖాళీల వివరాలను అధికారిక నోటిఫికేషన్లో తనిఖీ చేయాలి.
