Jobs: సెక్యూరిటీస్‌ అండ్‌ ఎక్చేంజ్‌ ఆఫ్‌ ఇండియా నిరుద్యోగులకు తీపికబురు అందించింది. 120 ఉద్యోగ ఖాళీల భర్తీ కోసం ఈ సంస్థ నుంచి తాజాగా జాబ్ నోటిఫికేషన్ విడుదలైంది. గ్రేడ్‌-ఏ (అసిస్టెంట్ మేనేజర్‌) జాబ్స్ ను ఈ జాబ్ నోటిఫికేషన్ ద్వారా భర్తీ చేయనున్నారని తెలుస్తోంది. ముంబై కేంద్రంగా ఉన్న ఆఫీస్ లో ఈ ఉద్యోగ ఖాళీలను భర్తీ చేయనున్నారని సమాచారం అందుతోంది. 30 సంవత్సరాల లోపు వయస్సు వాళ్లు మాత్రమే ఈ ఉద్యోగ ఖాళీలకు అర్హులు.
ఆన్ లైన్ విధానంలో ఈ ఉద్యోగ ఖాళీల కోసం దరఖాస్తు చేసుకోవాల్సి ఉంటుంది. ఆసక్తి, అర్హత ఉన్న అభ్యర్థులకు రాత పరీక్ష ద్వారా ఈ ఉద్యోగ ఖాళీలకు సంబంధించిన ఎంపిక ప్రక్రియ జరుగుతుంది. రాతపరీక్షను మూడు దశలలో నిర్వహించి ఈ ఉద్యోగ ఖాళీలకు సంబంధించిన ఎంపిక ప్రక్రియను చేపడతారు. https://www.sebi.gov.in/ వెబ్ సైట్ ద్వారా ఈ ఉద్యోగ ఖాళీలకు ఎంపిక ప్రక్రియ చేస్తారు.
2022 సంవత్సరం జనవరి 24వ తేదీ ఈ ఉద్యోగ ఖాళీలకు దరఖాస్తు చేయడానికి చివరి తేదీగా ఉండటంతో ఆసక్తి ఉన్న అభ్యర్థులు ఆ తేదీలోపు ఉద్యోగ ఖాళీల కొరకు దరఖాస్తు చేసుకోవాలి. రాతపరీక్ష ద్వారా అర్హత సాధించిన అభ్యర్థులకు ఇంటర్వ్యూ నిర్వహించి ఈ ఉద్యోగ ఖాళీలకు తుది ఎంపిక ప్రక్రియను పూర్తి చేయడం జరుగుతుంది.
