Jobs: ఎంప్లాయిూస్ స్టేట్ ఇన్సూరెన్స్ కార్పోరేషన్ నిరుద్యోగులకు తీపికబురు అందించింది. భారత ప్రభుత్వ కార్మిక , ఉపాధి మంత్రిత్వశాఖకు సంబంధించిన ఈ సంస్థ 311 ఉద్యోగ ఖాళీల భర్తీకి సిద్ధమైంది. ఈ నెల 3వ తేదీన ఈ ఉద్యోగ ఖాళీలకు దరఖాస్తు ప్రక్రియ ప్రారంభం కానుంది. ఆన్ లైన్ ద్వారా ఈ ఉద్యోగ ఖాళీల కోసం దరఖాస్తు చేసుకోవచ్చు. వేర్వేరు ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు.
45 సంవత్సరాల లోపు వయస్సు ఉన్న అభ్యర్థులు మాత్రమే ఈ ఉద్యోగ ఖాళీల కొరకు దరఖాస్తు చేసుకోవచ్చు. మెరిట్ టీచింగ్ అనుభవం, నీట్ స్కోర్ 2021 ను బట్టి ఈ ఉద్యోగ ఖాళీలకు ఎంపిక ప్రక్రియ జరుగుతోంది. ఎంబీబీఎస్‌, ఎమ్మెస్సీ, మెడికల్‌ పీజీ/పీజీ డిప్లొమా/ఎండీ/ఎంఎస్‌/పీహెచ్‌డీ పాసై అనుభవం ఉన్నవాళ్లు ఈ ఉద్యోగ ఖాళీలకు అర్హత కలిగి ఉంటారని సమాచారం అందుతోంది.
esic.nic.in వెబ్ సైట్ ద్వారా ఈ ఉద్యోగ ఖాళీలకు సంబంధించిన సందేహాలను నివృత్తి చేసుకోవచ్చు. ఈ ఉద్యోగ ఖాళీలకు ఎంపికైన వాళ్లకు నెలకు 60,000ల నుంచి 2,80,254 వరకు వేతనంగా చెల్లిస్తారు. వరుస జాబ్ నోటిఫికేషన్ల ద్వారా నిరుద్యోగులకు, అర్హత ఉన్న ఉద్యోగులకు మేలు జరుగుతోంది.
