Dulquer Salman Sita Ramam Glimpse: ‘దుల్కర్‌ -మృణాళిని’ ప్రేమ కథను రష్మిక గెలిపిస్తుందా ?

Dulquer Salman Sita Ramam Glimpse: ‘దుల్కర్‌ సల్మాన్’… కేరళలో కలెక్షన్ల విలయతాండవం సృష్టించిన నేటి హీరో. ఇప్పుడు మలయాళ పెద్ద సినిమాల పెద్ద హీరో అంటే దుల్కర్‌ సల్మానే. నిజానికి దుల్కర్‌ సల్మాన్ అంటే.. సౌత్ హీరో కాదు.. పాన్ ఇండియా హీరో. కారణం సౌత్ ఫిల్మ్ ఇండస్ట్రీలో అన్ని రాష్ట్రాల్లో మంచి మార్కెట్ క్రియేట్ చేసుకున్న హీరోల్లో దుల్కర్‌ సల్మాన్‌ ముందు వరుసలో ఉన్నాడు.

అందుకే, దుల్కర్‌ పాన్ ఇండియా హీరో అయ్యాడు. అయితే దుల్కర్ హీరోగా హను రాఘవపూడి దర్శకత్వంలో ‘మహానటి’ సినిమా నిర్మాతల నిర్మాణంలో ఓ సినిమా రాబోతుంది అనే సరికి.. అందరూ ఈ సినిమా పై ఇంట్రెస్ట్ చూపించారు. ఆ తర్వాత ఈ సినిమాలో బాలీవుడ్ యంగ్ బ్యూటీ మృణాల్ ఠాకూర్ హీరోయిన్ గా నటిస్తోంది అనే సరికి ఈ చిత్రం రెట్టింపు అంచనాలు క్రియేట్ అయ్యాయి.

ఇప్పుడు ఆ అంచనాలు కూడా డబుల్ అయ్యాయి. ఈ సినిమాలో క్రేజీ హీరోయిన్ రష్మిక మందన్నా కూడా హీరోయిన్ గా నటిస్తోంది. దీనికి తోడు ఈ సినిమా టైటిల్ కూడా సినిమా పై ఆసక్తిని పెంచింది. ఇంతకీ ఈ సినిమా టైటిల్ ఏమిటో తెలుసా ? ఈ చిత్రానికి ‘సీతా రామం’ అనే టైటిల్‌ను ఖరారు చేశారు. ‘యుద్ధంతో రాసిన ప్రేమకథ’ ఉపశీర్షిక.
Also Read: కోట్ల రూపాయలు భరణంగా ఇచ్చి విడాకులు తీసుకున్న సినీ సెలబ్రిటీలు ఎవరో తెలుసా?

పైగా ఈ సినిమా నుంచి నిన్న విడుదల చేసిన టైటిల్‌ గ్లింప్స్‌ కూడా ఆసక్తికరంగా ఉంది. ‘ఇది ఓ సైనికుడు శత్రువుకి అప్పగించిన యుద్ధం అఫ్రీన్‌. ఈ యుద్ధంలో సీతారాములను నువ్వే గెలిపించాలి’ అనే సంభాషణ కూడా చాలా బాగుంది. యుద్ధ నేపథ్యంలో నడిచే ఈ ప్రేమకథలో దుల్కర్‌ సల్మాన్‌ లెఫ్టినెంట్‌ రామ్‌ పాత్రలో నటిస్తున్నాడు.

దుల్కర్ కి జోడీగా సీత పాత్రలో మృణాళిని ఠాకూర్‌ నటిస్తున్నది. కశ్మీర్‌ ముస్లిం అమ్మాయి అఫ్రీన్‌గా రష్మిక మందన్న కీలకమైన పాత్రను పోషిస్తున్నది. ప్రేమకథల్ని తనదైన శైలి సున్నిత భావోద్వేగాలతో తెరకెక్కించడంలో దర్శకుడు హను రాఘవపూడి చాలా టాలెంటెడ్. అందుకే ఈ సినిమా పై భారీ అంచనాలు ఉన్నాయి.

Also Read: ‘బిందు మాధవి – యాంకర్ శివ’ లకు కలిసిరాని ఆరో వారం !