Hathras Tragedy
Hathras Tragedy : హథ్రాస్.. హథ్రాస్ ఏ ఛానెలో చూసినా హథ్రాస్ పేరే మారుమోగుతుంది. ఇంతకీ ఏం జరిగింది. ఎందుకు చాలా మంది ప్రాణాలు వదిలారు? ఎవరిదీ ఈ పాపం? ఎందుకు ఇలా జరిగింది అనే వివరాలు తెలుసుకుందాం. ఉత్తరప్రదేశ్ లోని హథ్రస్ జిల్లా సికింద్రా రౌ ఏరియా రతి భాన్పూర్ లోని ఓ గ్రామంలో బోలే బాబ అనే గురువు సత్సంగ్ ను ఏర్పాటు చేశారు. ఆయనను నమ్మే జనాలు అక్కడికి తండోపతండాలుగా తరలివచ్చారు. ఓ వైపు వేడి, మరో వైపు ఏకధాటిగా వస్తున్న జనాలు, గ్యాప్ లేకుండా ఇసుక పోస్తే రాలనంత జనంలో ఆ ఏరియా మొత్తం నిండిపోయింది.
ఏకంగా 4 లక్షల మంది హాజరైన ఈ సభలో ఒక్కసారిగా తొక్కిసలాట జరిగింది. వేదిక వద్ద ఊపిరాడక అసౌకర్యానికి గురయ్యారట భక్తులు. ఇక ప్రవచనాలు ముగిసిన తర్వాత తిరిగి వెళ్లే దారి సరిగ్గా లేకపోవడం, మరోవైపు ఉక్కపోత వల్ల పరుగులు తీశారట ప్రజలు. ఈ ఆధ్యాత్మిక కార్యక్రమానికి పెద్ద ఎత్తున గుమిగూడిన భక్తులు ఉక్కబోతను భరించలేక పరుగులు తీయడంతో తొక్కిసలాట మొదలైంది అంటున్నారు భక్తులు. ఈ తొక్కిసలాటలో మహిళలు, చిన్నారులు, వృద్ధులు కూడా గాయపడ్డారు. అయితే ఇందులో ఏకంగా వంద మందికి పైగా మరణించారట. 150 మందికి పైగా గాయపడ్డారు అని సమాచారం.
ఈ ఘటనపై ఇప్పటికే పీఎం ప్రదాని మోడీ, ఉత్తరప్రదేశ్ మాజీ సీఎం యోగి ఆదిత్యనాథ్, , రాహుల్ గాంధీలు స్పందించారు. వీరికి నష్టపరిహారం కూడా అందిస్తామని ప్రకటించింది ప్రభుత్వం. ఇదిలా ఉంటే కొన్ని సంవత్సరాల క్రితం ఓ ప్రభుత్వ ఉద్యోగం చేసిన వ్యక్తి బోలే బాబాగా మారారు. గతంలో ఆయన ప్రవచనాలు చెప్పడం ప్రారంభించారట. ఇవి నచ్చిన జనాలు వేలల్లో ఆ తర్వాత లక్షల్లో తరలి రావడం ప్రారంభించారట. బాబాను క్రమంగా బోలే బాబా అని పిలుచుకోవడం మొదలు పెట్టారు భక్తులు. ఇక్కడ ముఖ్యంగా శివారాధన చేస్తారట. అయితే ఇక్కడ ఇచ్చే తీర్థం తాగితే ఎన్ని సమస్యలు ఉన్నా తొలిగిపోతాయి అని నమ్ముతారట భక్తులు.
