Vivo S60 battery performance: Vivo మొబైల్ కంపెనీ తన కొత్త స్మార్ట్ఫోన్ సిరీస్లో భాగంగా Vivo S60, Vivo S60 Vitality Editionలను చైనా మార్కెట్లో విడుదల చేసింది. ఈ రెండు ఫోన్లు అద్భుతమైన బ్యాటరీ సామర్థ్యం, శక్తివంతమైన పెర్ఫార్మెన్స్ ను ఇవ్వనున్నాయి. ఈ మొబైల్ సిరీస్ గురించిన పూర్తి వివరాల్లోకి వెళితె..
ఈ ఫోన్లోని అతి ముఖ్యమైన ఫీచర్ దీని బ్యాటరీ. సాధారణంగా మిడ్ రేంజ్ ఫోన్లలో కనిపించే 5,000mAh బ్యాటరీ కంటే ఇందులో ఏకంగా 7,200mAh సామర్థ్యం గల భారీ బ్యాటరీని అమర్చారు. దీనిని ఒకసారి ఛార్జ్ చేస్తే సుమారు రెండు రోజుల వరకు బ్యాటరీ లైఫ్ అందిస్తుందని సంస్థ పేర్కొంది. ఈ బ్యాటరీకి 90W వైర్డ్ ఫాస్ట్ ఛార్జింగ్ సపోర్ట్ ఉండటంతో, ఇంత పెద్ద బ్యాటరీని కూడా త్వరగా ఛార్జ్ చేసుకోవచ్చు.
Vivo S60 సిరీస్ చాలా ప్రీమియం లుక్తో, కోల్డ్-కార్వ్డ్ గ్లాస్ యూనిబాడీ డిజైన్తో వస్తుంది. ఇందులో 6.59 అంగుళాల AMOLED డిస్ప్లేను కలిగి ఉంది. ఇది 1.5K రిజల్యూషన్ తో అందిస్తుంది. ఇది 144Hz రిఫ్రెష్ రేట్తో అత్యంత స్మూత్ అనుభూతిని ఇస్తుంది. మెరుగైన భద్రత కోసం ఇందులో 3D అల్ట్రాసోనిక్ ఫింగర్ప్రింట్ స్కానర్ ఉంది. అలాగే, ఈ ఫోన్ IP69, IP68 రేటింగ్తో ఉండడం వల్ల ధూళి, నీటి నుంచి పూర్తి రక్షణను కలిగి ఉంటుంది.
స్టాండర్డ్ Vivo S60 మోడల్ Snapdragon 8s Gen 3 చిప్సెట్తో పనిచేస్తుంది, ఇది గేమింగ్ , మల్టీ టాస్కింగ్ కోసం అత్యుత్తమ పనితీరును అందిస్తుంది. మరోవైపు, వైటాలిటీ ఎడిషన్ మీడియా టెక్ డైమెన్సిటీ 7500 ప్రాసెసర్తో వస్తుంది. రెండు ఫోన్లు ఆండ్రాయిడ్ 16 ఆధారిత OS 6పై నడుస్తాయి. అలాగే ఇవి 16GB RAM నుంచి 512GB వరకు ఇంటర్నల్ స్టోరేజ్ ఆప్షన్లతో అందుబాటులో ఉన్నాయి.
కెమెరా విభాగంలో Vivo S60 తన ప్రత్యేకతను చాటుకుంది. ఇందులో 50MP మెయిన్ సెన్సార్ , 8MP అల్ట్రా-వైడ్ లెన్స్, అదనంగా 50MP పెరిస్కోప్ టెలిఫోటో లెన్స్ ఉన్నాయి. సెల్ఫీల కోసం ముందు భాగంలో 50MP కెమెరాను అందించారు. అయితే వైటాలిటీ ఎడిషన్లో పెరిస్కోప్ లెన్స్ ఉండదు, కానీ మిగిలిన కెమెరా ఫీచర్లు దాదాపు ఒకేలా ఉంటాయి.
చైనాలో Vivo S60 ధర సుమారు 3,599 యువాన్ల (భారత కరెన్సీలో దాదాపు రూ.50,000) నుంచి ప్రారంభమవుతుండగా,..వైటాలిటీ ఎడిషన్ సుమారు 2,899 యువాన్ల (సుమారు రూ.41,000) ధరతో మొదలవుతుంది. ఈ ఫోన్లు జూన్ 3, 2026 నుండి చైనాలో విక్రయానికి రానున్నాయి. భారత మార్కెట్లోకి ఈ సిరీస్ ఎప్పుడు వస్తుందనే దానిపై ఇంకా అధికారిక సమాచారం లేదు.
